Diyarname

Didu ji Rojava, yek ji Rojhilat vê mehê sê hunermendên kurd wefat kirin.

Mihemed Xelîl Xazî (Mihemed Doman)

Hunermend Mihemed Xelîl Xazî (Mihemed Doman) ku ji Kobanî bû roja 5'ê vê mehê li Polatliya Enqereyê wefat kir. Mihemed Doman 91 salî bû. Malbatê xwest cenazeyê bibe Kobanî lê dewleta Tirkiyeyê destûr neda, loma li gundenî Pirsûsê hemberî Kobanî cenazeyê wî defin kirin.

Mihemed Doman di sala 1929'an de li Pirsûsê hatibû dinê lê paşê ligel malbata xwe derbasî kobanî bûbû û li wir bûbû yek ji sembolên hunera gelêrî. Ew wekî yekem kemanjenê bajarê li Kobanî dihat nasîn. Wî piraniya jiyana xwe bi hunermendê mezin Baqî Xido re borandiye.

Hafizê Kor

Hunermend Ebdulqadir Hesen ê ku bi navê "Hafizê Kor"  dihat rasîn 7'ê mehê li Pirsûsê wefat kir, dewletê nehişt cenazeyê wî jî bibin Kobanî û cenaze li gundê Ziyaret a Pirsûsê hat definkirin.

Hafizê Kor di sala 1940'î de li Kobanî hatibû dinê. Ew ligel Baqî Xido, Mihemed Doman û Mişo Bikabor re jî xebitîbû. Ew zêdetir bi klama "Eman berin esker berin" dihat nasîn. Klamên wekî Derwêşê Evdî, Siyabend û Xecê, Hisên Beg Zelî û Dilo zêdetir li ser zimanê wî bûn.

Sohrab Mihemedî

Hunermendê kurd Sohrab Mihemmedî ku wekî "Sohrab Baxşî" jî dihat nasîn di sala 1939'an hatiye dinê. Ew hunermendekî ji kurdên Xorasanê bû. Di 10 saliya xwe de dest bi lêdana tembûrê kiriye û stran gotiye. Heta niha gelek stranên kurdên Xorasanê pêşkêş kiriye. Di hin fîlman de jî straye. Mihemedî di 81 saliya xwe de roja 11'yê mehê wefat kir.
Klamek ji Sohrab Mihemedî:

- EVÎNA TE