Diyarname
Li Tirkiyeyê gel bi 600 TL mehaneyê dixebitin, lê ewê şevekê de mîlyon dolarek kar bike.

Li Tirkiyeyê gel mehaneya rajêrîn li dor 600 TL'yî ye. Sînorê birçîbûnê jî li gor saziya îstatîstîkî li dor 800 TL ye. Li gelek welatên dinyayê rewş wisa ye.
Li gelek welatên dinyayê jî xelk rojê bi dolarek pereyî dixebitin. Lê ewê di şevekê de mîlyon dolarek pere kar bike.
Em qala Jennifer Lopez dikin. Lopek ku daxuyand dê ji mêrê xwe Marc Anthony veqete (ev 7 sal bûn zewicîb^nu) li Ukraynayê di dawetekê de dê derkeve ser dikê û di wê şevê de dê mîlyon dolarek pere bigire.

Çavkaniyeke nêzî hunermenda 41 salî wisa got: "Kesekî dewlemend dixwaze di daweta xwe de li J-Lo guhdarî bike û ji bo vê yekê jî amadeye ku ew qas pereyî bide.

Berdevkê Jennifer Lopez jî wisa gotiye: "Jennifer li Ukraynayê dê derkeve ser dikê lê ez peymana ku me çêkiriye eşkere nakim."

Lopeza ku li dinyayê navdar e diya du zarokan e.