Diyarname

Lîsteya 10 pirtûkên salê hate weşandin. Di rêza yekemîn de nivîskar Brit Benne “The Vanishing Half” heye.

Kovara navdar Time ku di gelek waran de “Serketiyên salê” dineqîne di warê pirtûkên honak de jî lîste amade kir. Kovarê di pêşkêşiya ji bo vê lîsteyê weşandiye de wisa dibêje, “Di sala 2020’an de xwendina metnên honakî çalakiyeke qaqiboyî bû – ji bo ku mirov rûyê xwe ji rûdanên derodorê bade û têkeve nava çalakîyeke bêdeng û afirîner. Û honaka herî baş a salê ji bo vê yekê gelek rê û dirb û derfet da ku mirov ji vê yekê bireve. Bi The Miror & The Light , A Children’s Bible, Where the Wild Ladies Are ji holên bi xirecir ên Îngilîstanê heta Japonyayeke tijî xeyalet û pîrebok û heta xwe bigihîne qesrên bi bahoz û firtoneyan wêranbûyî xwîner xwedî gelek bijartek û alternatîf in ku modelên xweşî, bi heyecan ji bo ku ji rewşa aciziyê derkevin... ev yek rê dide ku mirov xwe aramtir û di rewşeke dîtir de hîs bike.”

Kovara Time ji bo pirtûka yekemîn ku di lîsteyê de bûye yekemîn jî wisa gotiye: “Berhema Brit Bennett a bi navê “The Vanishing Half” (Nîvê Windayî) ji bo balê bikêşe ser sosretiya rasteqîniyê bi awayekî fantastîk hewldanek e û li derveyî cihana rasteqînî ye. Bennett di romana xwe ya duyemîn de, bajarokê biçûk ê Mallardê ava dike û şêniyên bajarokê bi her du cêwiyan ango bi Stella û Desiree Vignesan şanaz in ku di salên 1950’yî de hay ji çewisandin û tundiya nijadperestî hene. Bennett di Nîvê Windayî de, bi vegêraneke xurt û tatmînkar û bi nêzîktêdayîna gelek karakteran tesîra yek biryarekê ya li ser Stellayê, malbata wê û nifşê nû vedibêje. Romana bi navê Nîvê Windayî ya Brit Bennett ku wekî romana salê ye, destpêkeke xweş û nû ya wêjeyê ye ku derbarê aîdîyet û nasnameyê de ye.”

Vane 10 pirtûkên ku Time hilbijartin:

1- The Vanishing Half, Brit Bennett

2- Shuggie Bain, Douglas Stuart

3- The Mirror & the Light, Hilary Mantel

4- A Children’s Bible, Lydia Millet

5- Homeland Elegies, Ayad Akhtar

6- I Hold a Wolf by the Ears, Laura van den Berg

7- A Burning, Megha Majumdar

8- Deacon King Kong, James McBride

9- Where the Wild Ladies Are, Aoko Matsuda

10- Breasts and Eggs, Mieko Kawakami

*** 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.  

***

REKLAM:

JI BO PROMOSYONÊ NAVNÎŞANEKE NÛ