Firat Şoreş - Farqîn

Şaredariya Farqîna Amedê ji bo jinan du atolyeyên çêkirina berikan û seramîkê vekir û li vê derê bi kurdî perwerdehî tê dayîn û bi vî awayî xebata çêkirina amûran têk irin.

Her du atolye li taxên Selahettin û Ferîdûn ên Farqînê hatine vekirin. Şaredarê Farqînê Fadil Erdede, Serokê BDP'a Farqînê Ahmet Çiftçi û rêveberên BDP'ê, rêveberên Navenda Jinan a Meyayê, rêveberên Egîtîm-Sena Farqînê, rêveberên Kurdî-Derê û Serokê Silvan Belediyesporê jî beşdarî vekirinê bûn.

Şaredar Erdede di vekirina atolyeyan de wisa got: "Atolyeyên me yên di bin banê Meyayê de vebûne biçûk bin jî xwedî ciheke girîng in. Bi van xebatan dê jinên me li ser piyan bimînin. Bi van xebatan jin dê hînê hunerê bibin û bi çêkirina van berheman dê dahatuyeke bi dest bixin. Ji bo firotina van berheman me berê li parkê cihê firotinê çêkiribû, li wê derê dê bikaribin bifroşin. Em wekî şaredarî emê her piştgiriya jinan bikin. Li ciheke ku li hemberî jinê zilm, zordarî û şîdet hebe li wê derê mafên mirovan jî nîn in. Emê şîdeta li hemberî jinê têk bibin."

Paşê Kordînatora Navenda Jinê ya Meyayê Refika Akkuş axivî û gt: "Ji bo em dîsa berikên Badika ku aîdê Farqînê ne çêbikin emê bixebitin û ji bo debara jinan me ev atolye vekirine."

Akkuş got ku wan di xebata atolyeyan de perwerdehî bi kurdî kirine û ji bo pêşxistina zanîna jinê di rojên pêş de jî dê xebatên wan hebin.

Ji ANF'ê hatiye girtin