Diyarname
Piştî Federasyona Rojnamevanên Ewropayê, Rêxistina Rojnamegerên Sînornenas (RSF) jî piştgirî da hewldana şandina kartpostalan a ji bo rojnamegerên girtî yên li Tirkiyeyê.

RSF’ê di daxuyaniya dayî de ji têkoşîna azadiya ramanê ya rojnamegerên di girtîgehan de bi bîr xist û xwest ku ji rojnamegerên girtî re di vê cejnê kartpostal bêne şandin.

Hemû sendîkayên endamên EFJ yên li Ewropayê bang kirin ku ji bo rojnamevanên di girtîgehên Tirkiyeyê de kartpostalên pîrozbahiyê bi sernavê “Cejna we pîroz be” bişînin.

Navên rojnamevan û girtîgehên ku rojnamevan têde têne ragirtin di malpera înternetê ya Sendîkaya Rojnamegeran de (www.tgs.org.tr) hene û her wiha li ser navnîşana (http://tutuklugazeteciler.blogspot.com/) ji bo rojnamegerên girtî jî ji aliyê Platforma Piştgiriya ji bo Rojnamegerên Girtî ve kampanya hatiye destpêkirin.

Tirkiye îro ji bo rojnamegeran girtîgeha herî mezin e. Heta niha der barê rojnamegerên girtî de jimarek zelal nehatiye zanîn. Platforma Piştgiriya ji bo Rojnamegerên Girtî ku Necatî Abay berdevkiya wê dike, 12 jê xwediyê îmtiyaz û sernivîskar, bi giştî li dor 65 rojnameger û nivîskar di girtîgehan de ne. Li gorî Platforma Azadiyê ya Rojnamevana jî 10 jê jin, zêdetirî 70 rojnameger di girtîgehan de hene.