Diyarname

Kovara du mehane ya çand, huner û polîtîka ya bi kurdî û tirkî hejmara xwe ya nû pêşkêşî xwendevanên xwe kir. Di hejmara 25'an a gulan-pûşpera 2022'yan de "Têkoşîna çînî ya herêmî" derketiye pêş.

Hejmara vê carê ji ber rastî 1'ê Gulanê Roja Karkerên Cîhanê hatiye bi helbestana Hakob Hakobyan dest pê kiriye. Hakobyan di sala 1905'an de li Tîflîsê ev helbest nivîsandin  ku bi ser navê "Cardin, Cardin" hatiye weşandin.

TEVGERÊN KARKERAN LI KURDISTANÊ

Yek ji nivîsa balkêş a vê hejmarê Recep Maraşli bi sernavê "Ji greva Batman Petrolê heta Mîtîngên Rojhilat li Kurdistanê Tevgerên Çînî" nivîsek nivîsandiye.

Dosyaya vê hejmarê jî bi mijara xwe nêzî vê yekê ye. Dosyaya ku bi ser navê "Ceribandinên Karkerên Tekstîlê yên Entap û Rihayê" hatiye weşandin, Mehmet Turkmen û Prof. Arif Nacaroglu li ser meseleyê axivîne.

MIGIRDÎÇ Û EMÎRALÎ

Migirdîç Margosyan demek berê canê xwe ji dest da. Sezai Sarioglu bi sernavê "Migirdîç Abî" nivîseke li ser jiyan û berhemên wî belav kiriye.

Li aliyê din kurtedemek berê helbestvan Emîralî Yagan jî canê xwe ji dest dabû. Li ser wî Azîz Yagan nivîseke nivîsiye.

40 SAL BERÊ HERÊMO ORAMARÊ

Civaknas Lale Yalçin-Heckmann di navbera salên 1980-1982'yan de li Culemêrgê, li herêma Oramarê li gundê Sîsîn xebatên antropolojiyê kirine. Wê xebatên xwe yên wê demê paşê bi navê "Li nav kurdan exîret û têkiliyên malbatî" kiribûn pirtûk. Zelal Sahidenur Sari ligel Hekcmann hevpeyvîneke li ser wê serdemê kiriye.

SÎNEMAYA KURDÎ

Meha borî li Stenbolê 2'yemîn Festîvala Fîlmên Kurdî ya Stenbolê li dar ket. Li ser festîvalê, notên ji wir, dîtinên derketine holê du nivîs hatine belavkirin. Veysi Altay bi tirkî, Cemîl Oguz jî bi kurdî di vê meseleyê de nivîsiye.

Li aliyê din Reşo Ronahî jî ligel Mem Artemêt hevpeyvînek kiriye. Artemêt ku ji fotoyên ji gera xwe pêşangehek li Amedê vekiribû, di hevpeyvînê de li ser meseleyê axiviye.

Ji bilî van nivîsên kesên wekî Sîbel Oz, Feyzî Mîrhesen, Rohat Alakom, Egîtê Xudo, Mesut Alp, Fewzî Bîlge, Elif Eser, Akin Yanardag û her wiha helbestên kesên wekî  Emîralî Yagan, Leyla Mexso Berazî, Muslum Aslan di vê hejmarê de hatine belavkirin.

Ji bo têkilî:

+90 543 488 69 96

dilopdergisi@gmail.com

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.