Diyarname

Di Kûpa 2 û Kûpa 3 ya Ewropayê de jî maçên çarîk fînalê hatin lîstin û nîv fînalîst diyar bûn.

LÎGA EWROPAYÊ

Di Kûpaya Lîga Ewropayê de 4 maç hatin lîstin. Romayê li mala xwe di dawiya 120 deqîqeyî de bi 4-1 Feyenoordê têk bir. Leverkusen jî Union Saint-Gilloise li deplasmanê bi heman skorê têk bir û derbasî nîv fînalê bû.

Sevillayê li mala xwe Manchester United bi 3-0 şand mal. Sporting Lizbon û Juventus bi 1-1'ê man. Di maça yekem de Juventus bi 1-0 bi ser ketibû, loma rêya xwe domand.

Di encamê de tîmên derketin nîv fînalê diyar bûn û rewşa nîv fînalê jî bi vî awayî çêbû:

Roma - Leverkusen

Juventus - Sevilla

Her du maç jî 11'ê gulanê, li gor saeta Amedê saet 22.00'an de dê bê lîstin.

LÎGA KONFERANSÊ

Di maçên Lîga Konferansê de jî West Ham United, AZ, Fiorentina û Basel derketin nîv fînalê. 

West Ham United ligel AZ'yê, Fiorentina jî ligel Baselê dê bilîze. Maçên vê lîgê jî 11'ê gulanê saet 22.00'an de ne.

Nûçeya Eleqedar:

- Nîv fînalîstên Lîga Şampiyonan diyar bûn