Amed

Îro li gelek bajaran bi ser 100'î re kes hatin binçavkirin û dadgehê biryara qedexeya hevdîtinê û astengiya li ser dosyayê danîye. Piştî nîvro 33 baroyan daxuyanî belav kirin û gotin bila ev astengî bêne rakirin.

Di daxuyaniya hatiye belavkirin de wisa hat gotin, "Di encama lêpirsîna Serdozgerê Komarê yê Amedê de îro serê sibê 25 endamên baroyên Amed, Riha, Mêrdîn, Batman û Şirnexê jî têde ji sedî zêdetir kes hatin binçavkirin. Der barê hempîşeyên me de 24 saet qedexeya hevdîtina ligel parêzerên xwe hatiye dayîn. Der barê lêpirsînê de astengî hatiye danîn. Parêzer karê darazê dikin, serdozger kengê bangî wan bike dê herin cem. Bêyî gazî wan bê kirin berî hilbijartina serokomarî û mebûsiyê ew bi awayekî komî hatine binçavkirin. Ev yek nayê qebûlkirin."

Baroyan gotiye ku ew bang li darazê dikin ku qedexeya hevdîtina parêzeran bê rakirin û astengî bê betalkirin û gotine, "Emê pêvajoya darazê ya der barê hempîşeyên me de bişopînin."

Baroyên Edene, Semsûr, Agirî, Enqere, Erdexan, Artvîn, Aydin, Balikesir, Batman, Çewlig, Bedlîs, Bolu, Burdur, Bursa, Amed, Eskişehir, Culemêrg, Hatay, Îdir, Isparta, Îzmîr, Qers, Kastamonu, Mêrdîn, Mûş, Sêrt, Sînop, Riha, Şirnex, Tekirdga, Dêrsim, Wan û Yalovayê metin îmze kirine.

***

Nûçeyên Eleqedar:

- 12 saziyên ziman û çandê li ser binçavkirinan daxuyanî dan 

- Gelek rojnameger, şanoger, muzîkar hatin binçavkirin