Diyarname

DEM Partî li bajarên kurdan ji bo diyarkirina berendamên xwe yên şaredariyan pêşhilbijartin li dar xist. Li 90 cihî wekî bajar û navçe pêşhilbijartin li dar ket. Yek ji yek diyar dibe encamên vê pêşhilbijartinê. 

Li gor biryara DEM Partî yên di pêşhilbijartinan de bi ser bikevin dê wekî berendamên şaredariya nîşan bidin. 

Di encaman pêşhilbijartina duh û îro de heta niha ji bo 9 bajaran berendam diyar bûn.

Va ne ew 9 bajar:

- Agirî: Hazal Aras duh hatibû hilbijartin. Îro ji berendaman Memet Akkuş herî zêde deng girin û bi ser ket.

- Batman: Gulistan Sonuk û Mehdi Oztuzun bi ser ketin.

- Colemêrg: Viyan Tekçe û Mehmet Siddik Akiş hatin hilbijartin.  

- Çewlig: Aydin Burçun hat hilbijartin. Ji bo hevsekoratiya jinê jî dê komîsyonê biryarek bide û yekê nîşan bide.

- Îdir: Li Îdirê Mehmet Nuri Guneş û Nejla Kum hatin hilbijartin.

- Mûş: Li Mûşe Sirri Soylemez hat hilbijartin. Ji bo hevşaredara jin komîsyon dê navek eşkere bike.

- Sêrt: Safiye Alagaş û Mehmet Kaysi hatin hilbijartin.

- Şirnex: Li Şirnexê Turan Saltan hat hilbijartin.

- Wan: Li Wanê Neslihan Şedal duh hatibû hilbijanrtin. Ji bo berendamê mêr Mustafa Avci û Abdullah Zeydan zêde deng girtibûn, derbasî dora diduyan bûbûn. Di dora diduyan de Abdullah Zeydan bi 2358 dengan bi ser ket.. Avci 2287 deng girtin. Bi vî awayî berendamên Wanê bûn Şedal û Zeydan.