Diyarname

Li Amedê, li Bexçeyên Hewselê carek din dest bi birîna daran kirin. Dixwazin bexçeyê têk bibin.

Bexçeyên Hewselê di nav Lîsteya Mîrateya Çandî ya Dinyayê ya UNESCO'yê de ye. Di sala 2014'an de xwestin 10 hezar darên li Hewselê bibirin, li ser bertekan bi paş ve gav avêtibûn; niha carek din dest pê kirine.

Li ser vê yeKê Tevgera Ekolojî ya Amedê li ser vê têkbirina daran foto belav kir û bertek nîşan da.

Tevgera Ekolojî di parvekirina xwe de wisa got, "Li herêma (Bexçeyên Hewselê û Zanîngeha Dîcleyê) ku di sala 2014'an de biryara  birîna 10 hezar daran dabûn, li ser bertekan 9 hezar û 300 dar rizgar bûbûn. Lê îro aktîvîstên hawirê û komeleya ekolojiyê lêkolîn kirine ku dîtine li heman herêmê wekî sala 2014'an daran dibirin û fotoyê vê yekê kişandine. Dîsa bi gotina 'darên hişk' û 'kezaxtin'ê dest bi senaryoya xwe ya tarî kirine. Bi roj li cihên kes nebîne daran dibirin, êvaran bi awayekî veşarî daran ji wir dûr dixin, dibin. Di sala 2014'an de 9 hezar û 300 darên nekarîn bibirin, niha hêdî hêdî û bi awayekî veşarî dibirin. Bila vê bizanibin ku ev bajar ne bê xwedî ye. Em ji nêz ve mijarê dişopînin."