Diyarname
Belgefîlmê derhêner Nejla Demirci ê bi navê "Kanun Hukmu" (Hukmê Zagonê) çîroka du kesan, ên bi biryara "KHK"ê (Biryarnameya di Hukmê Zagonê de) ji kar hatine avêtin pêşkêş dike. Di belgefîlmî de Dr. Yasemin Demirci û mamoste Engin Karataş hene ku her ji kar hatibûn avêtin.
Belgefîlm par di Festîvala Fîlman a Antalyayê de bû û bi biryara Wezareta Çandê ya Tirkiyeyê belgefîlm hat qedexekirin. Li ser vê yekê piraniya derhênerên ku fîlm û belgefîlmên xwe şandibûn festîvalê gotin "Belgefîlm neyê nîşandayîn em berhemên xwe bi peş ve vedikişînin." Bi vî awayî yekem car Festîvala Fîlman a Antalyayê hatibû betalkirin.
Û niha; Belgefîlmê navborî di çarçoveya FesTîvala Fîlmên Karkeran (ÎFF) de li Enqereyê wekî fîlmê destpêkirina fesTîvalê bihata nîşandayîn, lê Qeymeqamiya Çankayaya Enqereyê nîşandayîna li Enqereyê qedexe kir.
Belgefîlm li Stenbolê di festîvalê de dê bihata nîşandayîn lê vê carê Qeymeqamiya Beyogluyê nîşandayîna belgefîlm qedexe kir. 
ÎFF'ê bi tundî ev biryar rexne kir û got, "Em vê qedexeye bêhiqûqî şermezar dikir û li hemberî sansur û neheqiyê ligel derhêner Nejla Demirci ne."

***

Nûçeya Eleqedar:

- Festîvala Fîlmên Karkeran hat