709 kes mirin

Dîrok: 26/12/2024

Diyarname
Sala 2024'an ji bo girtîgehan bû saleke dijwar, bû sala binpêkirina mafan, sala mirina girtiyan. Tam bi temamî 709 kes îsal mirine.
Ji Ajansa Mezopotamyayê Omer İbrahimoglu panoramaya îsal amade kiriye.
Va ne notên ji wê panaromayê:
- Li Bakur û Tirkiyeyê bi temamî 406 girtîgeh hene.
- Cihên 299 hezar û 42 kesî li van girtîgehan heye. Lê niha 378 hezar û 657 kes di van girtîgehan de dimînin.
- Li gor Wezîrê Edaletê yê Tirkiyeyê Yilmaz Tunç, di meha sermawezê de girtîgehen ku çêkirina wan didome 11 heb in. Ji bo sala 2025'an projeya çêkirina 21 girtîgehan heye.
- Li gor daneyên ÎHD'ê (Komeleya Mafên Mirovan) di 9 mehên pêşî de 50 girtiyan canê xwe ji dest dane.
- Di dema hevdîtinên butçeyê ya li Meclisê de Wezareta Edelatê eşkere kir ku di 11 mehên îsal de 709 girtîgeh canê xwe ji dest dane.
TEHLIYEYA 8 HEZAR KESÎ HAT ASTENGKIRIN
- Di sala 2021'ê de zagonek bi navê "Rêgezên Çavdêrî ya Girtîgeh û Îdareyê" derxistin. Piştî vê yekê girtiyên cezayê wan temam bûne, îdare lê dinêr û biryarê dide dê berde yan na. Li gor vê zagonê îsal 8 hezar û 521 kes ligel ku cezayê wan temam bûye jî nehatin berdan; berdana wan hat bi paş ve xistin. Bi vî awayî di nav salê de berdana gelekan hat betalkirin, ku piraniya wan yên ku 30 salên xwe li girtîgehê temam kirine.
KOR, KER Û LALÊN LI GIRTÎGEHÊ
- Li gor CÎSST'ê (Komeleya Civaka Sivîl a Pergala Înfazê ya Girtîgehan) 269 astengbar hene. Rewş wisa ye: 19 astengbarên axivînê hene, 42 kor, 28 astengbar, 18 kes ker in, 162 kes di warê ortopedik de astengiya wan heye.
YÊ BI SER 65'Î RE
- Li gor daneyên ÎHD'ê 5 hezar û 520 girtî temenê wan bi ser 65 re ye. Ji van hin girtiyên siyasî ne.