Diyarname
Nivîskar û lîstivana navdar a ji DYA'yê Julianne Moore di sala 2007'an de pirtûka xwe ya bi navê "Freckleface Strawberry" nivîsandibû. Pirtûk ji bo zarokan e. Çîroka qala çîroka keçikek 7 salî dike. Niha ew pirtûk li dibistanên di bin banê Wezareta Parastinê de ne hat qedexekirin.
Li gor nuçeya The Guardianê hefteya borî Wezareta Parastinê li dibistanên di bin banê wê de ne hin pirtûk carek din nirxandine. Di dawiya meseleyê de ev pirtûka Moore jî hatiye wedexekirin.
Lîstikvan Moore ji ser hesabê xwe de got, "Min bihîs pirtûka min Freckleface Strawberry li dibistananên ku Wezareta PErwerdehiyê wan bi rê ve dibe de hatiye qedexekirin. Ez gelek şaş bûm. A rast ez meraq dikim ji ber çi Hikumeta DYA'yê ev pirtûka min qedexe kiriye. Bi rastî jî ez xemgîn im. Li welatê ku azadiya ramanê di Zagona Bingehîn de wekî mafekê ye min ev yek dît. Qet nedihat bîra min ku ez dê tiştek wisa bibînim."

Lîstikvan û nivîskar Julianne Moore di sala 1964'i de hatiye dinê. Heta niha wê di gelek fîlman de lîstiye. Di sala 2014'an de bi rola xwe ya di fîlmê "Still Alice" de Xelata Lîstikvana Herî Serketî ya Oscorê girtibû.
Ligel lîstikvanî ew pirtûkan jî dinivîse. "Freckleface Strawberry" wekî rêzepirtûk e ku ji bo zarokan hatiye nivîsandin.