Diyarname
Nivîskar û siyasetmedar Hamît Geylanî canê xwe ji dest da. Geylanî li Enqereyê li nexweşxaneyeke dihat dermankirin. Geylanî di serdema 23'yan de ji Culemêrgê ji BDP'ê wekî mebûs hatibû hilbijartin.

Malbata Geylanî ji ber bûyerên 1925'an ên li Şemzînanê bar dikin Umriyeyê. Hamit Geylanî ji di 1'ê tîrmeha 1947'an de li wê derê tê dinê. Di sala 1951'ê de bi efûya ku hikumeta Partiya Demokrat a wê demê derxist, malbat vegeriya Şemzînanê.
Geylanî di nav DDKO'yê de ket nava siyasetê. Geylanî vê demê du salann dibistana bilind a endazyarî, salek jî li Fakulteya Siyasal Bilgiler a Enqereyê xwend. D isala 1979'an de Fakulteya Hiqûqê ya Enqereyê temam kir.
Hamit Geylanî di dema HEP'ê de ket nava siyasetê. Ji wê demê heta dawiya jiyana xwe di nav siyaseta legal de kar kir. Dema HADEP hat girtin ew jî yek ji wan kesan bû ku 5 sal cezayên qedexeya siyasetê lê hat birîn.
Di vê serdema siyasetê de 3 caran hat girtin. 
Di sala 2007'an de BDP bi berendamên serbixwe ket hilbijartinê. Hamit Geylanî jî li ser navê BDP'ê ji Culemêrgê bû berendam û hat hilbijartin.
Geylanî ligel karê siyasetê nivîs û helbest jî dinivîsand. Wî bi tirkî û kurdî dinivîsand. Heta niha 7 pirtûkên wî derketine.
Pirtûkên wî yên ku hatine weşandin ev in:
- Yirmi Kurşunlu Yurek / Helbest, Weşanên Aram
- Azad Nisan Yagmuru / Helbest, Weşanên Aram
- Ciwan Dengê Bê Dêngîyê ne, Helbest, Weşanên Aram
- Zap Nehri Giryan Akar / Helbest, Weşanên Sîtav
- Şemdinli’den Qamişlo’ya Dag Sevdasi / Ceribandin, Weşanên  Aram 
- Kurt Mucadelesinin En Geniş Damari Şeyh Ubeydullah Nehri / Ceribandin, Weşanên Belge 
- Kurt Mucadelesinde Yarim Asir Hamit Geylani / Ligel Emin Sari amade kirin, Weşanên  Sîtav

DEM PARTÎ: CIHÊ WÎ NAYÊ TIJEKIRIN
DEM Partî bi ser hesabê we yê tora civakî re peyama sersaxiyê belav kir, qala têkoşîna wî ya ji HEP'ê û heta niha kir û got, "Bi nasnameya helbestvan, nivîskar û siyasetmedar cihê Hamit Geylanî nayê tijekirin. Em gelek xemgîn in. Bila serê gelê me, malbata Geylanî û rêhevalên wî sax be."

Hamit Geylanî di civîneke BDP'ê de diaxive.