Diyarname
Li Dewletên Yekbûyî yên Amerîkayê (DYA) greva mamosteyan didome. Di du hefteyan de 350 hezar xwendekar ketin bin bandora vê yekê. Li eyaleta Şikago ya DYA'yê piştî 25 salan careke din mamoste ji bo meaşeke baştir û ji nû ve sazkirina mercên karên xwe dest bi grevê kirin.

Şikago yek ji eyaletên mezin a DYA'yê ye û li vê eyaletê ji ber grevê dibistanan dest pê nekir. Di navbera Sendîkaya Mamosteyên Şikago û Rêveberiya Herêmê de bi mehan e nîqaşa li ser şertan didome lê ji ber ku tu encam nehat bi dest xistin mamosteyan du hefte berê dest bi grevê kir. 26 hezar endamên Sendîkaya Mamosteyan hene. Wan daxwaza zêdekirina meaş û başkirina mercên ewlehiya civakî kiribû lê rêveberî sedî 4 zêdekirina meaşê pêşniyarê wan kir; mamosteyan qebûl nekir û dest bi grevê kirin.

Şaredarê Şikago Israel Emanuel gilî li mamosteyên ku ev du heftene naçin dersan kir. Wî îdîa kir ku çalakiya mamosteya ji asta lêgerîna mafan derketiye û di heman demê de jî wî ev çalakî wekî "çalakiyeke derveyî zagonî" bi nav kir. Şaredar Emanuel wisa got: "Her roja ku derbas dibe zarokên me ji dibistanan dûr dikevin. Grev derket derveyî asta biryarên ku hatine girtin û êdî zerarê dide zarokên me. Ji bo pêşî li vê yekê bê girtin divê zûtirîn demê de em dest perwerdehiya ku karê wan ê bingehîn e bikin."

Hin malbatên xwendekaran ji bo ku asta perwerdehiyê baştir bibe piştgirî didin greva mamosteyan.
Hate gotin ku Rêveberiya Bajêr ji bo pêşî li grevê bigire dest pê kiriye ku zagoneke nû derxe. Tê gotin zagona ku derê dê mamoste ji mecbûrî dest ji grevê berdin û herin ser karê xwe.

Li DYA'yê herî serê li Şikagoyê mamoste meaşê digirin. Mamosteyek herî hindik salê de 76 hezar dolar pere digire.