Diyarname
Li Qamişloyê 9’emîn Pêşangeha Pirtûkan a Şehîd Herekol li dar e. duh saet di 11.00’an de li Parka Azadî dest pê kir.
Gelek weşanxane û saziyên li Rojava bi pirtûkên xwe yên nû li pêşangehê ne. Li gor nûçeya ANHA'yê 30 sazî û nivîskar bi hezar û 314 pirtûkên ku di sala 2025'an de derxistine li pêşangehê ne.
Va ne ew sazî û hejmara pirtûkên wan ên îsal:
- Saziya Zimanê Kurdî (SZK): 5
- Pirtûkxaneya Amara: 200
- Pirtûkxaneya Ehmedê Xanî: 400
- Weşanxaneya Mezopotamya: 20
- Pirtûkxaneya Rona (zarok): 30
- Pirtûkxaneya Emanî: 20 pirtûk
- Yekîtiya Rewşenbîrên Kantona Cizîrê: 6
- Yekîtiya Nivîskarên Kurdistana Sûriyê: 10
- Kovara Şermola: 1
- Kovara Mizgîn: 7
- Weşanên Zanîngeha Kobaniyê: 12
- Navenda Feratê ya Lêkolînan: 13
- Navenda Rojava ya Lêkolînên Stratejîk: 3
- Nivîskar Ebas Îsmaîl: 3
- Hevgirtina Rewşenbîrên Rojavayê Kurdistanê (HRRK): 9
- Weşanxaneya Ava: 8
- Weşanên Şilêrê: 74
- Weşanxaneya El Lîbraliyayê: 104
- Komîteya Çandî ya Ermenî: 75
- Kovara El Şerq El Ewset: 67
- Pirtûkxaneya Manîsa: 30
- Weşanên Akademiya Jineolojiyê: 1
- Weşanxaneya El Tenewî El Seqafî: 46
- Kampanyaya Erebî ya Çapemeniyê-Lubnan: 170
WEŞANXANEYÊN HATINE ASTENGKIRIN
Weşanxaneya El Hiwar, Weşanxaneya El Tekwîn, Weşanxaneya Ugarit, Weşanxaneya Esrîya, Weşanxaneya Ela Eldîn, Weşanxaneya Nûr Horan ên Şam, Heleb, Lazqiyê, Lubnan û Derayê ku bi berhemên xwe yên kevn beşdarî pêşangehê bûne, xwest berhemên xwe yên 2025’an jî bînin pêşangehê, lê hikumeta veguhêz astengî çêkirin û nehişt pirtûk derbasî herêmên Bakur û Rojhilatê Sûriyeyê bibin.
25 pirtûkên Weşanxaneya El Hiwar, 72 yên Weşanxaneya El Tekwîn, 25 ên Weşanxaneya Ugarit, 210 ên Weşanxaneya Esrîya – Lubnan, 175 ên Weşanxaneya Ela Eldîn, 300 ên Weşanxaneya Nûr Horan li Helebê ji aliyê hikumetê ve hatin astengkirin.
ZAROK LI PÊŞANGEHÊ BÛN
Li aliyê din di roja duyemîn a pêşengehê de hejmarek xwendekarên asta seretayî ligel mamosteyên xwe serdana pêşengehê kirin. Zarok li beşê taybet ê zarokan geriyan. Kovara Mizgîn û birtûkên ji Pirtûxaneya Rona wekî diyarî ji zarokan re hate dayîn. Kovara Mizgîn a Zarokan ev 3 sal in li pey hev beşdarî pêşengehê dibe. Kovar pirtûkên bi wêne yên li gorî temenê zarokan pêşkêş dike.
Pêşangeha Pirtûkan a Şehid Herekol 20'ê mehê dest pê kir heta 26'ê mehê dê li dar be.