Diyarname
Kovara du mehane ya çandî, hunerî û polîtîka Dilop bi hejmara xwe ya nû li pêşberî xwendevanên xwe ye.
Kovara Dilopê bi hejmara xwe ya 41'ê ye mehên berfanbara 2025'an û rêbendana 2026'an li ber destên xwendevanên xwe ye. Kovarê di vê hejmarê de li ser pêvajoya ku li Tirkiyeyê niha dimeşe dosya amade kiriye. Kovarê bi gotina "'Pêvajo'ya ji 2025'an dewrî 2026'an tê kirin; deriyê çareseriyê dê vebe?"
Di vê çarçoveyê de Serpil İlgun ligel Prof. Dr. Mesut Yegen axiviye. Yegen dibêje, "Beşa diduyan a pêvajoyê ji ya yekê dê hê bi êştir be."
Ji nivîsên tirkî Fatin Kanat û Omer Leventoglu bi ser belgefîlmê "Bizim İsmail" (Derhêner Fatin Kanat, Onder Înce) re di nivîsa xwe de qala civaknas Îsmaîl Beşîkçî kirine.
SÛR Û BEXÇEYÊN AMEDÊ BER XWE DIDIN
Elif Ekin Saltik ligel rojnameger Azad Altay hevpeyvînek kiriye. Altay li ser Sûrê belgefîlmekî kişandibû, hevpeyvîn jî di vê çarçoveyê de hatiye kirin û wisa hatiye belav kirin, "Sûrên Amedê jî, bexçe û çivîkên wê jî ber xwe didin!"
Nivîskar Serdar Korucu bi navê "Bu yas bitmez" (Ev şîn bi dawî nabe) li ser bûyerên Cizîr, Silopî, Bêşebab, Sûr, Gever û Nisêbînê pirtûkek amade kiriye. Nedim Rojhat Yeşilçinar ligel Korucu hevpeyvîneke amade kiriye.
Ji hevpeyvînan Bulent Ulus jî ligel Seher Şengunlu Yilmaz li ser elewîtiya dixin rojevê axiviye. Ji hevpeyvînên kurdî Cîhan Roj jî bi hişê çêkirî ne hevpeyvînek kiriye û bi sernavê "Şevbuhêrka Dîjîtal" belav kiriye.
Li aliyê din Dr. Eskerê Boyîk hevpeyvîna ku ligel Nadoyê Xudo Maxdûrov kiribû, Sedat Karakaş ew wergerandiye tirkî û belav kirine. Her wiha Îbrahîm Karaca jî ligel hostayê neqişandina daran Mecit Çeliktaş ku li Rîzeyê ye hevpeyvînek kiriye û bi sernavê "Li Behra Reş neqşên Mêrdînê" belav kiriye.
YÊN KED DANE VÊ HEJMARÊ
Ji bilî van Fewzî Bîlge, Îsmaîl Dîndar, Vecdi Erbay, Rênas M. Koçer, Nevzat Onaran, Berat Qewî-Endam, Lîsa Çalan, Onur Kaya bi nivîsên xwe, Yagmur Atsiz, Şêrko Bêkes, Abdullah Peşêw, Gulîzer û Arjen Arî jî bi helbestên xwe di vê hejmarê de cih girtine.
Ji bo têkilî:
dilopdergisi@gmail.com
kovaradilop.net
***************
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.
***************