Diyarname
1’emîn Bîenala Dîzaynê ya Stenbolê ji aliyê ÎKSV ve hate lidarxistin. ÎKSV ku ev 40 sal in ji bo çand û hunera Stenbolê xebatê dike vê carê Bîenala Dîzaynê li xebatên xwe zêde kir.

Bîenala Dîzaynê ya Stenbolê ku roja 10’ê mehê merasima destpêkirina wê li dar ket, heta 12’yê berfanbarê dê deriyên wê vekirî be. Mijara bingehîn a Bînalê “Qusûrî (Imperfection)” ye. Bîenala ku kuratorên wê Emre Arolat û Josaph Grima ne, li ser dîzayna bajêr, mîmarî, dîzayna berhemên endustrî, dîzayna grafîkê, dîzayna moda, dîzayna çapemeniya nû disekine, di van waran de dîzaynan pêşkêş dike.
Ji 46 welatan li dor 300 dîzaynkar û mîmar bi zêdetirî 100 projeyan beşdarî Bîenalê dibin. Bîenal heta roja dawî digel pêşangehan dê bernameyên wekî akademî, pêşangehên atolyeyan, bernameya semîneran, nîşandayîna fîlmên afirîner,  meşên dîzaynê li dar bixe.