Diyarname
Hevserokê BDP'ê Selahattin Demirtaş li Roboskiyê axivî: "Em ne ew qas reben in ku ji daraza AKP-Cemaletê li benda edaletê. Emê hesabê wê ji we bipirsin. Ev gel dê bi berxwedanê, xwe bi birêxistinkirinê dê hesabê bipirse. Divê Kurdistana kurdan hebe ku hesabê Roboskî bê pirsîn."

Di salvegera kuştina 34 gundiyên Roboskî de li gundê bi awayekî girseyî ew hatin bibîranîn. Di çalakiya bibîranînê de Hevserokê BDP'ê Selahattin Demirtaş axivî.
Vane ji gotinên Demirtaş hin not:
- Ji Komkujiya Roboskî Serokwezîrê Tirkiyeyê Recep Tayyip Erdogan berpirs e. Ma ne ew Tayyip Erdogan e ku ew qas paşa avêtin hepsê? Dikarî 3 hebên din jî tewqîf bike lê ew bi xwe berpirs e. Sûcek ku 34 caran cezaya hepsê ya muebbetê bigire, kiriye. Wê şevê digel ku leşkerên li vê derê dizanîn yên ji ser sînor re derbas dibin sivîl bûn jî hêzên hewayî li Serokwezîr geriyan û bi hev re fermana operasyona derveyî sînor dan. Tenê 'ji bo PKK'yiyek bikujin' fermana firîna balafirên şer dane. Ji Serokwezîr re gotine li nav wan sivîl hene. Lê piştî komkujiyê hatiye fêmkirin ku hemû sivîl in.

- Roja komkujî çêbûye hemû delîl berhev kirine û teslîmê Qemqemaxê Qilebanê kirine. Lê ji wê rojê de heta îro qeymeqam qet xeber hade.

- Ev salekê ye hikumet komkujiyê vedişêre. Recep Tayyip Erdogan dibêje 'Ji ber ku Gultan Kişanak PKK'yî hembêz kir dê destnedana wê bê rakin û emê wê biavêjin hepsê.' Te li pişt vî girî 34 zarokên kurdan qetil kirin.. Dê destnedana te jî bê rakirin, de roj bê gel te jî darizîne û mehkûm bike. Tuyê nikaribî ji vê birevî. Dibe ku ji bo te hêsan be, li cem te wijdan nemaye, lê ev gel qet ji bîr nake.

- Dozgerê tirk ji serokê tirk hesabê napirse. Ji ber ku vî alî Kurdistan, wî alî Kurdistan e û yên zarokên kurdan qetil dikin balafirên şer ên tirkan in... Ev ax ji ber ku axa Kurdistanê ye, ji ber ku ev gel dibêje em kurd in, dozger, hakim, polîs, Serfermandarê Giştî, çapemenî, serokwezîr, hemû dest didin hev vê komkujiyê vedişêrin. Lê li gundemî Marmarîzê, Fethiyeyê tu nikarî vê bikî. Tu nikarî balafirên şer rakî û bombebaran bikî li hemberî wî gelî. Wê çaxê tekane tiştê dikeve ser milê kurdan heye. Gelo ji ber ku Kurdistan nîn e hûn vî zilmî li me dikin? Wê çaxê dê gelê kurd wî binav bike. Divê Kurdistanekî gelê kurd jî hebe. Ew xweser be, federal be, serbixwe be. Ji ber ku dewleta vî gelî tuneye tu vî zilmî li wan dikî, ger kêmasî ev be, divê gelê kurd vê kêmasiyê temam bike. Divê Kurdistana kurdan hebe ku hesabê Roboskî bipirse. Çareyeke din tune ye, rêyek din tune ye. Nexwe ev sed sal e dikin dê hê bikin.

- Em we qas ne reben in ji daraza AKP-Cemaetê parsa edaletê bikin. Emê hesabê wê ji we bipirsin. Ev gel bi berxwedanê, bi xwerêxistinkirinê dê hesabê bipirse. Saleke meseleyê vedişêrin. Bi qasî ku pêdivî bi lêpirsînê tune be bûyer zelal e. Salek e hûn li ser çi lêpirsînê dikin?

- 34 kurdan wekî qaçaxçî nîşan didin wekî ku sûcdar bin. Li vê derê ev sînorê sunî qaçax in. Dan û standina ku kurd bi birayên xwe re dikin ne qaçaxçîtî ye. Tiştên ku ne dijî zagonan be ev zinyeta Komara Tirkiyeyê ye. Ev polîtîkayên Bexda, Tehran, Şam û Enqereyê ne.

- Kurd ne koleyên we ne, bi hezaran sal in li ser axa xwe bi rûmet dijîn. Sedema komkujiya Roboskî pêşîlêgirtina Kurdistanê ye. Gelê kurd êdî azad dibe. Gelê kurd rêveberiya xwe ava dike. Bingeha jiyana bi biratî û wekhev diavêje. Ew jî dixwazin vê parçe bikin û pêşî lê bigirin. Roboskî bombekirina azadiya kurdan e, ber bi statuya Kurdistanê ye. Kurd divê vê yekê baş fêm bikin, yekîtiya xwe xurt bikin û bi îtîfaka neteweyî bersivê bidin.

***

Li ser Roboskiyê nûçeyên eleqedar ên îro:

- Îsa Encu: Ezê çekê dewletê negirim destê xwe

- Li her derê çalakî hebû

- Tam salek derbas bû!

-