Diyarname

Hevgirtina Rewşenbîrên Rojavayê Kurdistanê dawiya hefteya pêşiya me kongreya xxwe ya 4'emîn li dar dixe û bi vê kongreyê re dixwaze çalaktir bibe.

Di dema ku li ser Rojava û Sûriyeyê li Cenevreyê civîn li dar dikeve, di dema ku kurdan li Rojava Kantonên xweser ragihandine de Hevgirtina Rewşenbîrên Rojavayê Kurdistanê (HRRK) jî xwe ji bo kongreya xwe ya nû amade dikin. Heta niha di navbera rewşenbîrên rojavayê Kurdistanê de nîqaş derketine û ev nîqaş didomin jî. Lê HRRK dixwaze ji van nîqaşan wêdetir bi awayekî serketî kongreya xwe ya 4'an li dar bixe û bi vê re gaveke nû û girîng biavêje. HRRK dixwaze hevgirtina xwe ji rewşa pasîf derxe û bixe asteke çalak.

Kongreya HRRK'ê wê rojên 24-25'ê vê mehê li Bielefelda Almanyayê li dar bikeve. Komîteya amadekar bi diruşmên 'ji bo hevgirtineke çalak', 'ji bo hevgirtineke xweser', 'ji bo hevgirtineke mayinde', 'ji bo hevgirtineke rastîn' bang li endam û kesên serbixwe kir ku beşdarî kongreyê bibin. Komîteyê ji bo kongreya xwe ya nû wisa got: "Em, wekî Komîteya Amadekar a kongreya çaremîn a Hevgirtina Rewşenbîrên Rojavayê Kurdistanê, xwedî biryar in ku, Kongireya xwe li darxînin. Hevgirtinê veguhêzînin qonaxeke çalak, rola wê di jiyana çand û rewşenbîriya Rojava de biçesipînin, êşa miletê xwe zeft bikin û derbibirin, di kêlîkên dîrokî de xwedî li xwîna wî derkevin û bi hemi karînên xwe civata sivil berfireh û çalaktir bikin."

HRRK dibêje destên me ji bo hemî rewşenbîran vekiriî ne, dilên me li derveyî kîn û tolhildanan dijene, em dixwazin rewşenbîrê kurd, di vê qonaxa hestyar de, xwedî kesayetî, proje û helwest be û wisa bang dikin: "Dûbare; fermo bikin! Werin em hişmendiyeke rewşenbîrane ku hêjayî pirsên tirsnak ên heyîn û neyînê bin biafirînin!Werin, ji derveyî hemî nakokiyên siyasî, civakî, herêmî, dîrokî, em bûneweriyeke tekûz a rewşenbîrî pêşkêşî welatê xwe û civaka xwe bikin."

Li gor agahiyên dawî ku gihîştine ber destên me ev kes dê beşdarî kongreyê bibin: "Adil Elî, Ardilan Rêdûr, Azer Şwêş, Bavê Narîn, Bedran Berî, Bêwar Dêrşewî, Cano Şakir, Cegerxwîn Temo, Cemîla Pîrê, Cemşîd Xalidî, Ciwan Qado, Dilyar Dêrkî, Dr. Welîd Şêxo, Durust Izet, Ebas Ebas, Ebdulkadir Mûsa, Ednan Şêxmûs, Ecem Derwêş, Ehmedê Huseynî, Ejder Şêxo, Fawaz Ayo, Fayad Osman, Felemez Xerîbo, Fener Rojbiyanî, Ferîda Ehmed, Hêvar Hesen, Gîvara Nemir, Helîm Yûsiv, Hêmen Kurdaxî, Hesen Ebdela, Hisên Sîno, Hoşeng Broka, Husên Umer, Ibrahîm Mihemed, Ibrahîm Simo, Ibrahîm Zoro, Kadar Pîrê, Kawa Şêxê, Kerîmo, Luqman Dilêş, Luqman Sulêman, Mahmûd Badilî, Merwan Elî, Mesûd Hamid, Muhsin Ehmed, Newaf Xelîl, Nezîr Melle, Nûr Jafer, Raxib Zozanî, Reşad Qurdîsî, Reşîd Hiso, Rodî Xelîl, Roza Hisên, Selîm Biçûk, Şêxmûs Îsa, Siûd Ehmed, Welîd Xelîfê, Xalid Yûsiv, Xebat Şakir, Yusiv Xalidî,Zîwer Hetman."

Kesên bixwazin name bişînin, yan bi komiteya amadekar re bikevin têkiliyê dikarin bi rêya vê e-mailê xwe bigihînin wan: 

hrrk-kongireya4an@rojava.net