Parîs
Navenda Çanda Kurd a Ahmet Kaya li paytexta Fransa Parîsê xebatên xwe dimeşîne 9’emîn kongreya xwe pêk anî.

Di kongreya AKKKM’ê de rêveberê Konfederasyona Komeleyên Kurd ên Ewropayê (KONKURD) Vedat Kaya anî ziman ku dewleta tirk li hemberî kurdan bi topyekûn şer daye destpêkirin û gerek tu kurd li hemberî van êrîşan bêdeng nemîne. Kaya, bilêv kir ku kurd gerek hemû deverên lê dijîn li hemberî kirinan şiyar bin.

Piştî nirxandina rojeva siyasî dawî derbasî rojeva kongreyê bûn. Piştî xwendina rapora faliyetê ya salê serokê komeleyê yê berê Metîn Ozgul bilêv kir ku xebata sala borî ya ji bo zarokan saleke aktîf derbas kir lê ji ber bê eleqebûnê xebat hat taloqkirin û ev yek jî xebatên komeleyê asteng kiriye.
Ozgul, di axaftina xwe de anî ziman ku ji ber ku gelek endamên rêvebiriyê ji ber pirsgirêkên tenduristiyê û ji ber pirsgirêkan rêveberiyê qetiyane û ji ber wê yekê xebatên dane ber xwe pêk neanîne. Ozgul di axaftna xwe de got ku ji ber gelek kesên komeleyên li Fransayê dixebitin zimanê Fransî nizanin û di warê xebatên dîplomatîk û çandî de paşve dimînî. Ozgul, bang kesên ziman dizanin kir ku bila tevlî xebatan bibin. Piştî xwendina raporên faliyetan beşdarên mafê axaftinê anîn ziman ku bi taybet jî bila girîngiyê bidin zimanê kurdî û ji ber rapora faeliyeta saziyeke kurdî, tirkî hat xwendin bû mijara rexneyê.
Ji bo rêveberiya AKKKM’ê Azîz Taş, Yilmaz Aydin, Elmaz Tendîk, Turan Urper, Menduh Yildirim, Sever Hoşgoren, Fatîh Yildiz, Kadîr Taştan, Feyzî Demîralp, Alî Arslan û Selahattîn Akin hatin hilbijartin.