Diyarname
Yek ji lîstikvanê fûtbolê yê efsanewî yê Brezîlyayê Ronaldinho piştî serê vê mehê biryar dabû ku di sala 2018'an de bi awayekî fermî dest ji fûtbolê ber dide. Niha hat diyarkirin ku Ronaldinho piştî vê yekê dê bikeve nava siyasetê û di meha kewçêra 2018'an de di hilbijartinên senatoyê de dê bibe berendam.
Li gor nûçeyên di çapemeniya Brezîlyayê de Ronaldinhoyê 37 salî dê ji partiya rasgira tûj Partiya Patriota li herêma Minas Gerais bibe berendamê senatoriyê.
Ronaldinho ku demek dirêj di nav tîma Barselonayê de lîst, dema vegeriya Brezîlyayê di navbera salên 2012-2014'an de li nav tîma Atletico Mineiro ku tîmek herêma Minas Gerais e. Niha li bendê ne ku Ronaldinho ji vê herêmê bibe berendamê senatoriyê.
Ger Ronaldinho bi ser bikeve dê bibe duyemîn lîstikvanê fûtbolê yê navdar ên ku dikeve senatoyê. Di sala 2015'an de lîstikvanê navdar ê berê Romario jî di nav senatoyê de cih girtibû.