20.30
Vê êvarê hejmara nû: 35 hezar û 418
Serokomarê Tirkiyeyê û Serokê AKP'ê Recep Tayyîp Erdogan vê êvarê piştî civîna li AFAD'ê ya ligel wezîran reqebûn nû eşkere kirin.
Li gor agahiyên fermî ku Erdogan eşkere kirin heta niha 35 hezar û 418 kes di erdhejê de mirine.
20.00
Li Semsûrê hejmar 11 hezarî derbas kir
Li Semsûrê li gor daneyên ne fermî 11 hezar kesî canê xwe ji dest daye.
Li gor AFAD'ê 2 hezar avahî hilweşiya ne, ji 8 hezarî zêdetir avahî jî bi giranî xisar dîtine.
Tê gotin li Yeni Mezarlikê ji 7 hezar û 500 zêdetir cenaze hatine definkirin. Dîsa li Goristana Karapinar li dor hezar kes hatine definkirin. Li goristana kevn a li bajêr jî dor hezar kesî hatine definkirin. Bi sedan cenaze birine gundan û li wir defen kirine.
19.00
Li Îzmîrê Hîlton ji bo mexdûran derî vedike
Şaredarê Bajarê Mezin ê Îzmîrê Tunç Soyer bi ser hesabê xwe yê twitterê re ragihand: "Em Otela Hîltonê ji bo erdhejzadeyan vedikin. Li Hilton Otela ku em bi sedî 23,5 şirîk in ligel şirîkê mezin Ata Holdingê me hevdîtin çêkirin û hevdîtinên me bi erênî bi encam bûn. Piştî lêkolînên teknîkî û vesazkirinê otel dê ji bo demkî ji bo erdhejzadeyan bê bikaranîn."
18.00
Li Sûriyeyê hejmara miriyan derket 5 hezar û 814 kesî
Wezareta Terduristiyê ya Sûriyeyê û Neteweyên Yekbûyî li ser erdheja ku bandor li bajarên Sûriyeyê jî kir agahî belav kirin. Li gor van agahiyan heta niha 5 hezar û 814 kes li Sûriyeyê ji ber erdhejê mirine.
17.00
Li Amedê rewşa dawî
Li Amedê 8 avahî hilweşiyabûn ku 2 jê vala bûn. Ji bin avahiyên din her roj cenaze têne derşistin. Ji van 4 jê xebata lêgerîn-rizgarkirinê bi dawî bûye, li yên din didome.
Li Amedê heta niha 380 cenazeyên kesên di erdhejê de mirin hatin derxistin. Hejmara birîndaran jî 902 ye.
Rewşa avahiyan
Li aliyê din li Amedê li Baxlar, Kayapinar, Yenîşehîr û Sûrê 71 hezar avahî hene ku ji van 15 hezar heb jê lê mêze kirine ku rewşa wan çi ye. Ji Odeya Mihendizên Avahiyan 120 kes, ji Midûriyeta Bajêr a Bajarvanî û Hawirê jî 80 kes avahiyan kontrol dikin. Heta niha karîne li 15 hezar avahiyan mêze bikin. Li gor eşkere kirine di nav avahiyên lê mêze kirine de 20 heb hema heba li ber hilweşînê ne, di 300 heb avahiyan de jî xisareke mezin heye.
16.30
Reveberiya Xweser alîkarî dişîne herêmên derveyî xwe jî
Rêveberiya Xweser duh, pêr alîkarî şandibûn hin herêman. Îro jî endamê şaneya krîzê û hevserokê Daîreya Ragihandinê ya Rêveberiya Xweser a Bakur û Rojhilatê Sûriyeyê Ciwan Mela Îbrahîm da zanîn ku karwanê alîkariyên mirovî yê Rêveberiya Xweser ji bo herêmên erdhejê amade kiribû, wê ji bajarê Minbicê ber bi deriyê Tayihe yê di navbera herêmên rêveberiya Xweser û hikumeta Şamê de bi rê keve.
16.00
Seroke MUSÎAD'Ê hat binçavkirin
Musîad (Komeleya Karsaz û Sanayîkarên Mustakîl) ku xwe oldar dibînin li Tirkiyeyê gelek karan ew dikin. Ji van Serokê MUSÎAD'a Meletî yê berê Muharrem Poyraz îro hat binçavkirin Çima? Ji ber ku li Meletî avahiyên bi navê Seyr-î Îstanbul Evlerî 3 sal berê wî çêkiribûn û niha ew avahî di erdhejê de hilweşiyan. Di ev avahiyên hilweşiyayî de gelek kes mirin.
15.00
Kayûmê li cihek nebaş kon danîn
Şaredariya Bajarê Amedê ku di bin destê kayûmê de ye li qeraxa Çemê Dîcle ji bo mexdûrên erdhejê kon danîn. Kayûmê li vê derê 4 hezar û 200 heb kon danîne. Lê berî niha bi du salan qapaxê Bendava Dîcleyê jê bûbû û derdor ketibû bin navê, loma jî qeraxa Dîcleyê wekî cihê talûke tê hesibandin. Qada ku li ser 190 hezar metreqorzî ye di dema pêşiya me de dê temam bibe. Saziyên sivîl dixwazin0 şaredarî cihê van konan biguherîne.
14.30
Cenazeyê parêzer Serhan Ozdemir derxistin
Cenazeyê endamê OHD'ê (Komeleya Hikûknasên Ji Bo Azadiyê) parêzer Serhan Ozdemîr piştî 9 rojan hat derxistin. Ozdemîr li Qala 5'an a Diyar Galeria Îş Merkezî bû. Ji heman malbatê 8 kes hebûn û hemûyan canê xwe ji dest daye. Diyar Galerîa li Amedê li ser Kolana Elezîzê bû û di erdhejê de hilweşiya bû. Li aliyê din Baroya Amedê îro eşkere kir ku ligel Serhan Ozdemîr du parêzerên din ên endamên Baroya wan parêzer Bawer Karakoyun û parêzerê stajyer Yusuf Can Bayancuk jî di erdhejê de mirine.
Cenazeyê Serhan Ozdemîr ji bin xirbeya Diyar Galeria derxistin.
14.00
Hejmar derket 31 hezar û 974'an
AFAD'ê li ser erdhejê hejmarê nû yên fermî eşkere kirin. Li gor AFAD'ê heta niha 31 hezar û 974 kes di erdhejê de mirine. AFAD'ê ragihand ku heta niha 195 hezar û 962 kes ji herêmê şandine bajarên din.
Nûçeyên Eleqedar:
- TMMOB: Roj û niv vala derbas bû
- Li Semsûrê hejmar 8 hezarî derbas kir
- Sancar: Bila deriyê Murşîtpinar ê Kobanî vebe
- Li gundên Meletiyê îdîaya bi torpîlê konan belav dikin
- Rewşa gundên Bazarcixê: Kevir li ser kevir nemaye
- Cenazeyê stranbêj Zîlan Tîgrîs hat derxistin
- Angelina Jolie: Zerey mi şimadir o
- Diyarbekir Spor ji lîgê vekişiya
- Li Elbîstan û Nûrheqê welatî hêj di bin enkazê de ne
- Erdhejê bandor li avahiyên dîrokî yên kurdan jî kirin
- 11'ê mehê agahiyên li ser erdhejê... (tê nûkirin)
- Welat Dilken qala rewşa dawî ya Semsûrê dike
- Ji qada sporê nûçeyên li ser erdhejê
- DÎSÎAD: Ji bo Rojava bila derîyê sînor ê Nisêbînê vebe
- Platforma Tenduristiyê ya Amedê: Daxwaza me ya beşdariya maseya tenduristiyê hat redkirin
- Agahiyên 10'ê mehê... Hemû îstatîstîk...
- Pêşkêşvan Dilara Gonder îstîfa kir
- Lîsteya rojnamegerên di erdhejê de mirine
- Ji Semsûra ku ji bilî dengê sîrenan dewlet lê nîne banga piştevaniyê
- Ulkucuyan pere û zêrîn mexdûra erdhejê jê girtin û ew tehdîd kirin
- Agahiyên li ser Rojava (Mijara Erdhejê)
- Hikumeta Herêma Kurdistanê kampanya da dest pê kirin
- Kampanyaya 'Bîr Kîra, Bîr Yuva'
- Kazim Polat: Ji berfê em avê çêdikin
- 8'ê mehê, Nûçeyên li ser îro
- Karsaz Hamdi Ulukaya dê 2 mîlyon dolarî alîkarî bike
- Baroya Amedê kampanyaya komkirina pereyan da dest pê kirin
- HDP li Marmara û Egeyê ji bo erdhejzadeyan ketiye nava tevgerê
- Li 10 bajaran Rewşa Awarte hat ragihandin
- 07.02.2023, agahiyên li ser vê rojê
- Sekteretê Giştî yê NY'ê Guterres ji bo alîkariyê bang kir
- Erdeheja duyemîn, agahiyên nû (Tê nûkirin)
- Welat Dilken: Semsûr kavil bûye
- Nifûsa bajarên erdhej lê da ye
- Bajar bi bajar agahiyên li ser erdhejê
.jpg)
