DiyarName.Com

00.10

Mûcizeyeke din: Piştî 260 saetan hat xilaskirin

Li Hatayê li Buket Apartmani piştî 260 saetan zarokek bi navê Osman bi saxî hat derxistin. Zarokê 10 salî ku bi saxî derxistin rakirin nexweşxaneyê

00.04

Hûnara ê merdê 38 hezarî derbas kerd

Serê merdimanê ke zelzele de merdê ene şan hûmarêke newî hamî eşkera kerdişî. Gorey gahiyê fermî ke AFAD'î eşkera kerdê heta enka 38 hezar û 44 tenî merdê. AFAD'î vat ke hûmara birîndaran jî 108 hezar û 68 a.

22.30

Piştî 257 saetan jinek bi saxî derxistin

Li Mereşê piştî 257 saetên erdhejê, payê piştî 11 rojan jinek bi navê Neslihan Kiliç ji bin avahiya Ebrar Sitesî bi saxî hat derxistin. Kiliç a 42 salî rakirin nexweşxaneyê.

22.00

Levent: Ez pereyan nadim tu saziyê

Heta niha ji bo mexdûrên erdhejê gelek kesî pere dan AHBAP'ê. Avatarê AHBAP'ê Haluk Levent îro bi ser hesabê xwe yê tora civakî re peyam belav kir. Levent wisa got, "Îro saet 22.00'an de min dê agahî belav bikira lê ew qas pir spekulasyon çêbûn hin dibêjin pereyan dê bide Kizilay, hinek dib^ğejin dê bide AFAD'ê, loma jî bêyî mesele girantir bibe ez zûtir agahiyê belav dikem. Ez vê bêjim, pereyên we teslîmê min kirine namûsê min in. Ez wan nadim tu kesî, tu saziyan. Ez nadim. Kesî jî mjin nexwestine. Niha bi sed hezaran mirov bêmal in. Wekî karê yekem min ligel TOKÎ hevdîtin çêkir. Emê bi lezegînî avahiyan çêbikin."

Levent gotin anî ser tiştên bingehîn ku dê bigota û ev yek lê zêde kir, "Mijara ku ezê li ser bisekiniyama ev bû: Ev 2 roj in li qadê pêşî li xebatên AHBAP'ê dihatin girtin. Em hatibûn astek ku êdî dixitimî. Ji duh de min ji bo cihên pêwîst gilî kir. Sipasî dikim ku mesele çareser kirin. Em li qadê ne."

17.30

Li 10 bajaran 4 hezar û 627 zarok hatine dinyayê

Piştî erdheja ku li 10 bajaran çêbû li aliyek hejmara kesên mirine zêdetir dibe, li aliyê din li van bajaran jinên ku bi heml bûn zarokan tînin dinê. Li gor Midûriyeta Giştî ya Tenduristiya Gel a Tirkiyeyê ji roja erdhej çêbûye heta îro li van 10 bajaran 4 hezar û 627 zarok hatine dinê.

Saziyê ev agahî belav kiriye lê negotiye li kîjan bajarî çend zarok hatine dinê.

17.00

Platformê rantxur hişyar kirin

Piştî erdhejê li Amedê hinan kirêya xaniyan ji hedê xwe zêdetir bilind kiriye, li aliyê din hinên baran bar dikin jî heqdest zêde kiriye. Li hemberî van Platforma Piştgiri û Parastina Bajêr a Amedê daxuyaniya hişyariyê belav kir. Platfore îro li DTSO'yê daxuyanî da çapemeniyê û got ku ew dest ji vê helwesta xwe bernedin, emê yek bi yek navên wan eşkere û teşhîr bikin.

16.30

'Îtîfaka Milet' li ser erdhejê dicive

Li Tirkiyeyê desthilatdarî di bin navê "Îtîfaka Komarê" (AKP û MHP) de, beşek ji muxaletefetê di bin navê "Îtîfaka Milet" de û HDP û partî û rêxistinên kedê jî di bin navê "Îtîfaka Ked û Azadiyê" li hev kom bûne. Li ser erdhejê her yek ji aliyê xwe ve dixebitin. Niha Îtîfaka Miletê biryar da ku li ser rojeva erdhejê li hev bicivin.

Partiyên di bin banê vê îtîfakê de CHP, îyî Partî, DEVA, Saadet, Gelecek û Demokrat Partî bi beşdariya serokên wan roja 18'ê mehê dê li hev bicivin. Civana wan saet 14'an de bi sernavê "Taybet ji bo erdhejê" li Navenda Giştî ya Saadê li dar bikeve.

13.30

Li Amedê ji avahiyên hilweşiyan 3 jê qaçax bûn

Li Amedê 8 avahî hilweşiyabûn. Derket holê ku ji avahiyên hilweşiyan e 3 jê qaçax bûne. Her 3 avahî jî li Baglarê bûn. Li aliyê din li Yenîşehîra Amedê jî li avahiyeke 3 qatên wê qaçax bûn. Li gor nûçeya MA'yê li avahiyên ku qaçax bûn de 204 kes, li avahiya ku 3 qatên wê qaçax bûn de 50 kes mirine.

13.00

Ji HDP'ya Amedê kampanyaya 'Mala min mala te ye'

Li Amedê piştî erdhejê kontrolkirina xaniyan ku ji bo lêmayînê guncan in yan tê kirin. Di vê navberê de xelk hê li derve ye. Li aliyê din li Amedê gelek kesan kirê gelek buha kirine. Ji ber van yekan jî Rêxistina HDP'ya Amedê kampanyaya bi navê "Mala min mala te ye" da dest pê kirin.

HDP'ya Amedê bi vê kampanyayê ji gel dixwaze deriyên xwe ji bo mexdûran veke û piştgiriya wan bike. HDP bi ser hesabên xwe yên tora civakî re ev kampanya ragihand û got ku ewê bi hev re van rojên dijwan li dû xwe bihêlin, emê bi hev re bi ser bikevin.

12.00
36 hezar û 187 însan

Di erdheja li 10 bajaran Mereş, Entab, Riha, Amed, Semsûr, Meletî, Edene, Osmaniye, Hatay û Kilisê pêk hat de her ku diçe hejmara kesên mirine zêdetir dibe. Li gor agahiyên fermî ku îro hatine belavkirin heta vê sibê 36 hezar û 187 kes mirine.

Duh temamê rojê qet agahî nehatin belavkirin, vê sibê agahiyên nû hatin belavkirin. Li gor van avahiyan 108 hezar û 68 kes jî birîndar in.

Erdhej 6'ê mehê saet 04.17'ê sibê de bi pîleya 7,7 çêbûbû. Piştî vê bi çend saetan, nava rojê saet 13,24'an de jî bi pîleya 7,6'an erdhejek din çêbûbû.