DiyarName.Com

15.00

BORSA Îstanbul dîsa vebû lê nîqaş xilas nebûn

Di erdheja 1999'an de BORSA Îstanbul cih de hatibû girtin. Di vê erdejhê de piştî du rojan hat girtin.

4 mîlyon endamên BORSA'yê hene ku ji sedî 10'ê van dor 400 hezarî li bajarên ku erdhej lê çêbûne ne. Dema erdhej çêbû divê BORSA bihata girtin, BORSA'yê kar nekira, neda û nestanda. Çima? Ji ber ku endamên ku nikarin xwe bigihînin, belkî mirine zirar nekin û hinên din kar nekin. Lê na, BORSA negirtin û du rojan BORSA'yê kar kir, da û firot. Loma jî bû sedema nîqaşê. Di dawiyê de roja sisêyan a erdhejê BORSA hat girtin. Û îro BORSA Îstanbulê carek din dest bi kar kir. Lê nîqaş dewam didin. Hin dibêjin ka kî kar kir? Çima wisa bû.

Yek ji kesên rexneyan dike jî Serokê Polîtîkayên Fînans û Aborî yê DEVA'yê Îbrahîm Çanakçi ye. Çanakçi gotiye: "Dereng girtina BORSA'yê li 10 bajarên me bûye sedema mexdûriyeta kesên razemenî dikin. Ji bo BORSA ÎStanbul baweriya xwe saz bike û mexdûrbûnê ji holê rake em bangi SPK û BORSA ÎStanbulê dikin û dibêjin 'Çima deren hat girtin di vî warî de bila lêpirsîneke serbixwe bê dest pê kirin. Kirinên di vê demê de hatine kirin bi awayekî berfireh bêne lêkolînkirin. Zirarê kesên razemenî dikin bê çareser kirin. Kesên li herêmê razemenî ji bo BORSA'yê dikin û pêdiviya wan bi nakdî heye bila alîkariya wan a nakdî bê kirin."

14.00

Biryarnameyeke li ser xebatkarên dewletê

Serokomariya Tirkiyeyê biryarnameyeke li ser xebatkarên saziyên dewletê yên li herêma erdhejê di Rojnameya Fermî de belav kir. Li gor vê biryarnameyê ev xebatkarên wekî bi destûr di betlaneyê de têne hesibandin, mafê wan ê malhî, civakî û alîkariyê têne parastin. Lê ev heye, ji bo van xebatkaran xebateke din bi cih kirine: Li gor rewşa wan hin dê ji dûr ve bixebitin, hin bi hevkarên xwe yên di re dem bi dem cih biguherînin bixebitin. Li gor biryarnameyê walitiyên bajaran dê rewşa wan binirxînin û li gor wê dê biryarê bidin.

13.00

Deynenên esnafan hatin paşxistin

Li herêma erdhejê deynên esnafan ên ji bo Halk Bankasi ji bo 6 mehan hatin taloqkirin. Li gor biryara ku hatiye girtin faîzê deynan ji bo 6 mehan jî dê ji Xezîneyê bêne dayîn.

Biryar ji 6'ê mehê dest pê dike heta 6 mehan didome.

11.00

Ev taybetiya kertên krediyê hat betalkirin

Di qertên krediyê de taybetiyeke heye bi tirkî dibêjin "temassiz odeme" (bêyî şîfreyê bitikînin, qertê nîşanê cîhanê didin) heye. BDDK'yê ev taybetî betal kir.

BDDK ferman da barkeyan ku vê taybetiyê betal bikin û bankeyan jî îro ev taybetiya hemû kartan da rawestandin. Sedem jî ev e, mimkûn e qertên kesên li erdhejê hatibin dîtin, hatibin dizîn û ew li cihên din bêne bikaranîn. Ji bo pêşîlêgirtina vê yekê ev biryar hat girtin.