Diyarname

Mebûsa Yeşîl Sol Partî ya Mêrdînê Bêrîtan Guneş Altin pirsiyarnameyeke da Wezîrê Karên Hundir ê Tirkiyeyê û sedema qedexekirina lîstika şanoyê "Hay Lo Dîsa Tevlihev Bû" pirsî.

Lîstika şanoyê ya Teatra Wan a bi navê "Hay Lo Dîsa Tevlihev Bû" 17'ê mehê divê li Tetwanê bihata lîstin lê Qeymeqamiya Tetwanê lîstika lîstikê qedexe kir. Mebûsa Yeşîl Sol Partî Altin sedema vê qedexeyê ji Wezîrê Karên Hundir ê Tirkiyeyê kir. Altin ji bo bersivandinê ev pirs arastiyê Wezîrê Karên Hundir ê Tirkiyeyê kirin:

- Sedema qedexeya lîstikê çi ye? Ev lîstik bi zimanekî din, mînak bi zimanekî Ewropî bihata lîstin jî dê bihata qedexekirin?

- Bi heman amadehiya lîstikê hatiye kirin, lê berî bê lîstin bi rojek hatiye qedexekirin. Sedema qedexekirina wê ya ji aliyê hiqûqê ve çi ye?

- Ji ber qedexekirina "Hay Lo Dîsa Tevlihev Bû" mexdûriyeta hunermend û hunerhezan dê çawa bê telafîkirin?

- Tê zanîn ku qedexekirina konser û çalakiyan civakê dike du parçe, ji bo ku dawî li qedexeyan bê hûn tu xebatê dikin?

***

Nûçeyên Eleqedar:

- Saziyan li dijî qedexeya li ser kurdî daxuyanî da 

- Di 3 salan de konserên ku hatine qedexekirin 

- Lîstikên kurdî yên ku hatine qedexekirin  

- Qeymeqamî çalakiya NÇM'ê qedexe kir

- Qeymeqamiya Tetwanê lîstika bi kurdî qedexe kir