EFRÎN

Li navçeya Cindêris a Efrînê Saziya Zimanê Kurdî (SZK) û Tevgera Ciwanên Şorşger dest bi rakirina nivîs û bermahiyên rêjîma Baas ji ser dîwarên dibistanan kirin.

Endamên SZK'ê û ciwanên şorşger ku dest bi paqijkirina dîwarên dibistanan kirin dan zanîn ku dê hemû nivîs, diruşme û wêneyên ku ji aliyê rêjîma Baas li ser dîwarên dibistanan hatibûn çêkirin rakin. Endama Rêveber a SZK'ê Bêrîvan Henan diyar kir ku armanca wan ji paqijkirina dîwarên dibistanan ew e ku dibistanan dûrî siyasetê bixin. Rayedarên hemleyê destnîşankirin ku wê piştî dibistanên navçeyê berê xwe bidin dibistanên gundan û wan jî paqijbikin.

ANHA