Diyarname

Zafer Partîsî di dora duyemîn a hilbijartina serokomariya Tirkiyeyê de piştgirî dide Kemal Kiliçdaroglu.

Berendamê Îtîfaqa Milet Kemal Kiliçdaroglu û Serokê Zafer Partisi Umit Ozdag hatin ba hev, piştî hevdîtinê Ozdag piştgirî da Kiliçdaroglu.

Zafer Partisi û Adalet Partisi bi hev re Îtîfaqa Ata saz kiribûn, wekî berendam jî Sinan Ogan nîşan dabûn. Ogan sedî 5,17 deng girtibû. Ogan gotibû di dora duyemîn de emê dengê xwe bidin berendamê Îtîfaqa Komarê Recep Tayyip Erdogan. Lê berî vê ji Îtîfaqa Ata Adalet PArtisi piştgiriya xwe ji bo Kiliçdaroglu eşkere kiribû.

Û îro berî nîvro jî Zafer Partisi piştgiriya xwe ji bo Kiliçdaroglu eşkere kir. Bi vî awayî ji Îtîfaqa Milet her du partiyan piştgiriya xwe ji bo Kiliçdaroglu eşkere kirin. 
Berî daxuyaniyê her du serokên partiyan li ser 7 xalan li hev kirin û bi vî awayî protokol îmze kirin.
Va ne ew 7 xal:

1- 4 xalên pêşîn ên Zagona Bingehîn û xala 66'an ku qala Hemwelatiya Tirk dike tê parastin.

2- Ji dewleta milî-unîter-laîk ku di sala 1924'an de hatiye qebûlkirin bi paş ve gav nayê avêtin.

3- Di serî de sûriyeyî, hemû koçber û qaçax di nav salek de bi paş ve têne şandin.

4-Li hemberî hemû rêxistinên terorê FETO, PKK, DAIŞ ku hebûn û yekbûna welat hedef digirin têkoşîneke xurt û bi bandor tê kirin. Ligel terorê muzakere nayê kirin, têkoşîn tê dayîn. Tu guherînên şiklê dewleta milli û ûnîter bêne guhartin nayên kirin. Di çarçoveya têkoşîna li hemberî terorê de, têkiliya rêveberên herêmî ya ligel terorê bê dîtin û ji aliyê hiqûqê ve bê erêkirin, rayedarên dewletê di cihê wan de têne peywirdarkirin.

5- Di peywirdarkirina rayedarên dewletê de ne sadiqbûn, li gor liyakatê biryar tê dayîn.

6- Li hemberî hemû karên qirêj dê di çarçoveya hiqûqê de bi awayekî bi bandor têkoşîn bê kirin.

7- Dewlet li hemberî hemwelatiyên xwe zelal û eşkere tevdigere. Li ser van xalan li hev kirin hatiye kirin.