18'emîn Pêşbaziya Çîrok û Helbestan a Huseyîn Çelebî ku ji aliyê YXK'ê ve tê la dar xistin dest pê kir. Beşdar heta 31'ê gelawêja 2010'an dikarin berhemên xwe ragihînin ber destê komîteya amadekar.

Pêşbazî bi du zimanan, bi kurdî (zaravaya kurmancî û zazakî) û tirkî tê li dar xistin. Îsa wekî roja dawî ya beşdarbûnê 31'ê gelawêja 2010'an hatiye destnîşankirin. Heta wê rojê beşdar divê digel kurtejiyana xwe berhemên xwe bişînin. Berhemên ku ji bo pêşbaziyê bêne şandin divê berê li ciheke nehatibin weşandin.

Beşdar dikarin herî zêde di qada helbestan de bi 2 helbestan û di qada çîrokan de jî bi çîrokekê beşdar bibin. Beşdar bi mail yan jî bi postayê dikarin xwe bigihînin amadekarên pêşbaziyê.

Endamên juriyê yên pêşbaziyê yên îsal ev in:

Beşa helbesta bi kurdî: Kawa Nemir, Jan Dêran, Yeqîn H.

Beşa helbesta bi tirkî: Şukru Erbaş, Aydin Şîmşek, Emel Îrtem

Beşa çîroka bi kurdî: Lorîn S. Dogan, Mehmet Dîcle, Mîran Janbar

Beşa çîroka bi tirkî: Ethem Baran, Omer Leventoglu, Abdullah Ataşçi

Beşa helbest û çîrokên bi kirmanckî: Roşan Lezgîn, Îlhamî Sertkaya
 

Çalakiya Huseyîn Çelebî
Postfach 70 04 15
60554 Frankfurt
E-mail: huseyincelebi18@googlemail.com
www.yxk-online.com