Diyarname
Şaredarê Dêrsimê yê DTP'ê Şerafettin Halis xebatên xwe yên salekê ku kirine wekî pirtûk çap kir û pêşkêş kir.

Şerafettîn Halîs di 22'yê tîrmeha 2007'an de wekî berendamê Hezar Hêviyê ket hilbijartinê û piştî hilbijartinê derbasî DTP'ê bû. Mebûsê DTP'ê Halîs vê carê şanenava xwe avêt bin xebateke nû û pirtûkeke çap kir. Di vê pirtûka ku hatiye çapkirin de Halis xebatên xwe yên salekê ku di bin banê meclisê de kirine pêşkêşî raya giştî û hilbijêrên xwe kir. Yekem car e li Tirkiyeyê mebûseke bi vî rengî dike.
Di pirtûkê de xebatên ku Halis di meclisê de kirine, axaftinê ku kirine û pêşniyarnameyên ku dane meclisê ci digirin.
Halis da zanîn ku di meclisê de ev yekem xebat e bi vî rengî tê kirin û got ku dê xebatên wî yên bi vî rengî bidomin. Her wiha Halis bibîr xist ku bi vî rengî dê gel bikaribe xebatên wî bişopîne, rexne û pêşniyazên xwe pêşkêş bike.