Rojnameger Şirin Sever bi Şivan Perwer li ser huner, vegera wî ya li Tirkiyeyê û gelek tiştên din hevpeyvînek pêk anî.

Hevpeyvîn di rojnameya Sabahê (01.02.2009) de derket. Vaye ji wê hevpeyvînê hin xal:

- Heta niha min nêzî 30 albuman derxistine. Heta salekê ezê albuma xwe ya nû derxim.

- Dewleta tirk kanaleke kurdî veke dê çi bibe? Dewlet kanalê veneke jî dibe! Ji ber ku kurd ne tenê li Tirkiyeyê ne. Li dinyayê zêdeyî 50 mîlyon kurd hene, gelek jî televîzyonên wan hene. Kurd hene û ne mileteke biçûk e û ne ew mileteke ku têk biçe.

- Ez girîngî didim her gave lê ger ji dil in bila di Zagona Bingehîn de hin tiştan biguherînin. Belê di TRT 6'ê de bi kurdî tê axaftin lê li hin deran qedexe didome. Hê bi kurdî navlêkirina zarokan dibe sedema cezaxwarinê.

- Heta niha ne tenê TRT'ê gazî min kir ji bo hatina Tirkiyeyê. AKP'ê çend caran ji bo hilbijartinê gazî min kir, hin çepgiran gazî kir ku niha hin di nava Ergenekonê de ne. Mafyaya dewlemend a kurd-tirkan gazî min kir. Şaredarên gelek bajaran ji bo beşdariya festîvalan gazî min kirin. Bi salan e min vedixwînin.

- Ez vegerim, ez ji Stenbolê hez dikim lê ezê vegerim ser axa xwe. Yan Amed, Batman, yan Riha, Mêrdîn, yan ezê herim Wan û Culemêrgê. Ez ji wan deran hatime, gelê wan deran ez kirime Şivan.

- Ez di qada navneteweyî de têm nasîn. Ez bi kurdî distrêm, lê carinan ez strana "Burasi Muştur" bi tirkî distrêm.

- Belê pênc sal berê min doz der barê Îbrahîm Tatlises de doz vekir. Îbo ji bo pereyan stranên her kesî dixwîne, ne yên min tenê. Ev kes qîmetê nadin kedê, kedê dixwin. Derdê min ne ew bû kesek bidim dadgehê. Ji ber ku dadgeh bê holê hemû hunermendên li Tirkiyeyê dê sûcdar derên. Ev kes bi salinin stranên aîdê kurdan in bi ser navê anonîm digirin û dxwînin, an jî ji xwe re dikin mal. Ji ber vê yekê ez rojekê bêm Tirkiyeyê ez naçim serdana kesî. Ji ber ku ev 33 sal in kes nehatiye li halê min nepirsiye.

- Ez naxwazim bi tu hunermendek tirk re duetê bikim. (Li ser pirsa 'We xwestibû bi Sezen Aksu re duetê bikin?) Sezen Aksu tirsonek e! Me pêşniyareke ji bo Sezen Aksu şand ku di nav projeyeke aştiyê di cih bigire lê nêz nebû, red kir. Sezena ku demokrat, dilawer dixuye ji pirsgirêka kurd re revî. Tenê Sertab Erener gotibû 'Dibe, em li ser biaxivin'.

Foto: Bilgin Basol / Sabah