Diyarname

Pirtûkan Rekoran Guinnessê jî erê kir; Li dinyayê ev pirtûka helbestan a herî biçûk e.

Helbestvan û nivîskarê ji Îzmîrê Umit Yaşar Işikhan ku di heman demê de Avakarê Yekîtiya Hunermendên Aktîvîst ên Navneteweyî ye rekora "pirtûka helbestan a herî biçûk a ku dikare bê xwendin" careke din şikand. Meziniya pirtûkê firehî 1 santîm, bilindî jî 1,5 santîm e ku bi vê meziniya xwe ket nav pirtûka Rekoran a Guinnessê.

Yekemîn car di sala 1987'an de bi navê "Netekîm' Aştan Sonda Huzun" çap kir û meziniya pirtûk her sal biçûktir kir. Işikhan bi pirtûka xwe ku meziniya wê 1,5x2,5 bû ketibû nav Guinnesê û bi vê di heman demê de li Bakuya Azerbaycanê bexdarî Muzeya Pirtûkan a Mînyaturan bûbû. Işikhan îsal pirtûk hê biçûktir kir û rekorek din şikand.

Işikhan bi ebata nû ya pirtûkê ku 1x1,5 e û giraniya wê 0,63 gram e beşdarî Fûra Pirtûkan a Îzmîrê bû û li wê derê pêşkêşî gel kir.

Işikhan got ku Ilich Ramirez Sanches (Çakal Carlos) ku ew wî wekî mirê xwe yê manewî dibîne loma pirtûkê diyarî wî dike.

Pirtûk bi vê ebata xwe bi buhaya 100 TL'yî tê firotin û ew dibêje, "Ne tenê ji bo xwendinê, yên ku koleksiyoner en, yan jî meraqdarên pirtûkan in pirtûkê dikirin.

Weşangerê pirtûkê Hasan Kargi jî wisa got: "Her sal em hê biçûktir dikin. Bi qasî qalibek şekir e. Tîpên wê bi 0,35 pûnto ne. Mirov ji bo çavên xwe biceribînin jî dikarin bixwînin. Ger nikaribin bixwînin ya baş ew e ku herin cem dixtorê çavan."