Diyarname

Komîteya Nobelê li Swêdê kesên dê Xelata Nobelê ya Kîmyayê bidin wan eşkere kir. Komîteyê ji ber xebata "dîzaynkirina makîneyên molekuler û afirandina wan" kesên bi navê Sauvage, Stoddart û Feringa hêjayî vê xelatê ditin.

Jean-Pierre Sauvage di sala 1983'ya de du molekul wekî zincîrek karî bigihîne hev, û ev xebat bi vê dest pê kir.

Di sala 1991'ê de Fraser Stoddadt gava duyemîn li ser vê avêt, zincîrek molekulan li ser tewereyek (eksenek) molekulan danî, kir ku zincîr li ser tewereyê bikaribe tevbigere.

Di sala 1999'an de Bernard Feringa yekemîn motora molekulan pêş xist.

Ev her sê zanyar ji ber ev xebatên wan layiqî Xelata Nobeyê ya Kîmyayê hatin dîtin.

Sauvage, Stoddart û Feringa dê 8 mîlyon Kronên Swêdê (li dor mîlyonek dolar) bigirin û li hev parve bikin.

Xelatên Nobelê di 10'ê berfanbarê roja rojbûna Alfred Nobel de têne dayîn. Di merasimê de ligel pereyan dîploma û madalyayek tê dayîn.

Xelata Fîzîkê çû Îngilistanê

Di vê navberê de Xelat Nobelê ya Fîzîkê jî du roj berê hat eşkere kirin û ew dan zanyarên ji Îngilistanê David Thouless, Duncan Haldane û Michael Kosterlitz. Ev her sê niha li DYA'yê xebatên xwe didomînin.