Diyarname

TELEKOM di bin navê ‘Heqdestê pêşin’ de ji her kesê xwedî telefon bêyî heq bike pereyan digire. Li hemberî vê kampanyayeke hate dest pê kirin.

Tuketiciler Birliği (Yekîtiya Bikarhêneran) li Tirkiyeyê li hemberî TELEKOM’ê kampanyayeke da dest pê kirin. Kampanyaya ku bi ser navê ‘Dawî li şêlandinê bînin’ hate dest pê kirin. Ji bo ku TELEKOM dev ji girtina heqdestê pêşin a ji xwediyên telefonan berde kampanyaya îmzeyan hate dest pê kirin. Kampanya hem li kuçeyan li  standên ku hatine vekirin hem jî li ser înternetê di malpera www.sabitsoygun.org de hatiye dest pê kirin.

Di kampanyayê de wisa hatiye gotin: “Ger hûn jî difikirin ku mafê wan nîn e vê pereyê ji we bigirin, ger girtina vê pereyê wijdanê we, aqil û bêrika we aciz dike hûn jî bi îmzayekê beşdar bibin.”

Her kesek ku li mala wî/ê yan li kargeha wî/ê telefoneke hebe ji mecbûrî ‘heqdestê pêşin’. TELEKOM di bin vî sernavî de ji her kesî salane 170,40 YTL digire. Yekîtiya Bikarhêneran vê yekê wekî şêlandinekê bi nav kiriye.

Ger hûn salane vê pereyî nedin bi vî pereyî hûnê bikaribin van tiştan bikin:

- 425 heb nan hûn dikarin bikirin.

- Her meh hûnê bikaribin pirtûkekê bikirin û bixwînin.

- Her roj hûnê bikaribin bi vî pereyî rojnameyekê bikirin û bixwînin.

- Her meh hûnê pê bikaribin herin sînemayê.

- Hûnê bikaribin kêfê kesek ku bi vî pereyî heye bînin.

Her wiha di kampanyayê de hatiye gotin ku “ger em saleke bên cem hev, van pereyan bidin ser hev, bi pereyên ku em salane didin TELEKOM’ê emê bikaribin van tiştan bikin”:

- Emê bikaribin 6000 hezar heb dibistanan çêbikin.

- Emê bikaribin 300 hezar heb polînîkên tenduristiyê saz bikin.

- Bi heqdesta asgarî emê bikaribin mehaneya 7 mîlyon malbatî bidin.

Ger hûn jî dixwazin beşdarî vê kampanyayê bibin hûn dikarin serî li malpera wan bidin:

http://www.sabitsoygun.org/