Gerînendeyê Giştî yê rojnameya Huriyetê yê berê Ertugrul Ozkok salek berê xwest bi Abdullah Ocalan re roportajê bike û ji aliyê rayedaran ve hat redkirin. Ozkok, niha bi sernivîsê "Tirkiye ya Tirkan e" nivîsek di quncikê xwe de nivîsî û wekî nameyeke eşkere pêşkêşî Ocalan. Ozkok di nameyê diyar kir ku wî gelek caran xwestiye bi Ocalan re hevpeyvînê bike lê her tim ew hatiye redkirin. Ozkok, anî ziman ku hem kurd û hem tirk bi redkirina Ocalan re dê pirsgirêkê zor çareser bikin û wiha got: "Rêberê kurdên Tirkiyeye ew e. Dîsa dê pêşengê çareseriyê jî dê ew be."
Ozkok di nameya xwe de 18 pirs pirsîn.

Ertugrul Ozkok ku 20 salan ji bo rojnameya Huriyetê re Gerînendetî kir, di quncikê xwe ya îro de nameyek eşkere ji bo Serokê PKK'ê Abdullah Ocalan nivîsand.
Ozkok, di nameya bi ser nivîsa "Tirkiye ya Tirkan e" ya rojnameyê de wiha nivîsand: "Min gelek caran xwest bi Ocalan re hevpeyvînê bikim. Lê êdî hêviyê min nema ye. Girtiyê bi navê Alî Çabar wêneyek ji min re şandibû. Ala Tirkiyeyê çêkiribû. Li bin alê jî bi kurdî 'Tirkiye ya Tirkan e' nivîsandibû."

Ozkok, di berdewama nameyê de wisa got: "Çi kurd û çi tirk dibe, kesên beyî Ocalan li çareseriyê bigerin pêkan e, lê pir zahmet e. Kî çi dibêje bila bibêje rêberê kurdên Tirkiyeyê Ocalan e. Min gelek çaran xwest li Îmraliyê bi Ocalan re hevpeyvînê bikim. Lê rayedaran bersiva daxwaza min neda. Min daxwaza xwe ragihand Serfermandariya Giştî, ji wê derê leşkerekî raye bilind got: 'Ev ne karê me ye, ji Wezareta Edelatê bipirse. Min ji wan daxwaz kir, yekî ji wan got: 'Meseleya çêkirina hevpeyvîna we di hemû beşên dewletê de bi awayekî cidî tê nîqaşkirin' lê ji wê derê jî bersiv derneket."
 
Ertugrul Ozkok got ku diyar kir ku hêviya wî ya çêkirina hevpeyvînê nemaye û di qunicîkê xwe de ev pirs ji bo Ocalan rêz kirin:

"Hûn ji têgeha "xweseriya Demokratik" çi fam dikin? Eyalet e? Herêma Xweser e? An jî dewleta unîter e?
- Ji van xalan kîjan dikeve nava vê tarîfeyê:
a. Li gel ala tirk ala herêmî.
b. Sirûda taybet a herêmê.
c. Parlementoya herêmî.
d. Yekîneyên ewlehiyê yên cuda.
e. Perwerdehiya bi zimanê zikmakî.

- Hûn xwe çi dibînin:
a. Kurd.
b. Tirk.
c. Nîvî kurd nêvî tirk.
d. Tenê welatiyê Komara Tirkiyeyê.

- Hûn ji çalakiyên ku te berê kirin ango ji aliyê PKK'ê ve hatin kirin, tu ji kîjan çalakiyan poşman î?

- Hûn xwe bi kîjan zimanî baştir tînin ziman? Bi tirkî an kurdî? Ji niha û şûn de hûn dixwazin bi kîjan zimanî bijîn?

- Hûn li kîjan muzîkî guhdar dikin û ji kîjan hunermendan hez dikin?

- Nivîskarê herî zêde hûn jê hez dikin kîja ye?

- Ji çapemeniya tirkî hûn bêtir kê ji nêz ve dişopînin?

- Heta niha we kîjan siyasetmedarên tirk herî zêde nêzî çareseriyê dîtiye?

- Ger hûn serbest bên berdan hûn dê biçin ku betlaneyê?

- We çalakiya çekdarî dest pê kir. Hûn çima bi fermanekê çalakiyê nadin rawestandin? Ev biryar dê çareseriyê hêsan neke?

- Hûn ji dil bawer dikin ku kurd û tirk di nava hev de bijîn?

- Ger ku hûn bên berdan hûn dê di serî de hesab ji kîjan siyasetmedarê kurd bipirsin?

- Ger ku pirsgirêka kurd çareser bibe û aştiyek mayinde pêk bê, hûn dê jiyana xwe ya teqawîtî li ku derbas bikin. Hûn dê li Amedê ango li bajarekî rojava derbas bikin?

- Hûn niha xwe çawa dibînin? wekî kesekî serkeftî an jî kesekî têkçûyî?

- 11 sal in tiştê herî zêde we berî kiriye çi ye?

- Ger hûn serbest bên berdan hûn dê bixwazin kîjan hevalê/a xwe bibînin?

- We bi rastî gef li Osman Baydemîr xwar? Ma ev ne şaşî ye?

- Demîrel, digot, "Tenê kesên aştiyê dizanin divê şer bikin" Şer an aştî pir wêrekiyê dixwaze? Wêrekiya we ya hûn çekê berdin tune? Ger ku ev wêrekî û hêza we hebe çima hûn vê hêza xwe bikar naynin?

- Tiştekî ji me re bêjin ku em êdî pêşdaraziya xwe xera bikin û bawer bikin.

***

09.12.2010, Hurriyet