Diyarname

Netfliks* platformeke ku bi ser înternetê re fîlm û rêzefîlman pêşkêş dike. Niha beşeke rêzefîlmekî wan ji aliyê Tirkiyeyê ve hat sansur kirin.

Rêzefîlmê "Designated Survivor" ku di Netfliksê de tê weşandin mijara xwe li ser têkiliyên Enqere û Washingtonê ye. Netflîksê ragihand ku beşa 7'an a vî rêzefîlmî li ser daxwaza RTUK'ê (Lijneya Bilind a Radyo Televîzyonê ya Tirkiyeyê) ji bernameya Neftlîksê ya Tirkiyeyê hatine rakirin. Aboneyên Netflîksê yên welatên din dikarin vê beşê temaşe bikin lê li Tirkiyeyê ew hatiye rakirin.

Di vê beşa hatiye rakirin de rexne li "Hewldana Derbeyê ya 15'ê Tîrmehê" tê girtin. Karakterê rêzefîlm 'Fatih Turan' ku Serokomarê Tirkiyeyê ye û karekterê Serokdewletê DYA'yê Tom Kirkman tên hemberî hev. Kirkman li ser meseleya derbeyê Tirkiyeyê rexne dike.

Mark Gordon Company û Kinberg Genre bi hev re rêzefîlmê "Designated Survivor" ji bo kanala ABC kişandibûn û du serdem hatibû weşandin, paşê paşê platforma Netflîks ji bo serdema sisêyan beşên nû kişandibûn û diweşîne. Kovara populer a DYA'yî Variety diyar dike ku ev rêzefîlm li ser têkiliyên bi xirecir ên di navbera Tirkiye û DYA'yê de tê kişandin û weşandin.

*Orjînala peyvê "Netflix" e lê ji ber di kurdî de "x" a îngilîzî û "x" a kurdî tevlihev nebe em li gor kurdî navên wisa dinivîsin.