Diyarname
Dixtorên hunermend Îbrahîm Tatlises li ser rewşa wî daxuyanî dan çapemeniyê: "Di saetên ku me ew emeliyet kir de talûkeya jiyana wî sedî 80 bû, niha sedî 10 e. Dema em jêre dibêjin 'Tu çawa yî', dibêje 'Ez baş im' û li gor fermanên me jî tevdigere."

Serhekimê Nexweşxaneya Acibademê ya Maslakê Prof. Dr. Çaglar Çuhadaroglu û Dixtorê Mejiyê Prof. Dr. İlhan Elmaci agahî dan çapemeniyê.

Dixtoran wisa got: "Li gor duh em îro xeberên baştir didir we. Birêz Tatlises li gor duh îro baştir e. Duh êvarê bi temamî me têkiliya wî û cîhaz qut kir. Tiştên em dibêjin wisa dike. Li ser daxwaza me ling û milê çepê rakir, destê me guvaşt. Hinek din jî dê beşa nexweşên giran de be. Wekî me ji malbatê re got dibe rewş du nav ber bi pêş ve, gavek ber bi paş ve were. Hê bi temamî talûke derbas nebûye lê cihê em lê ne cihê bêhnfirehiyê ye."

Li pêşiya me rêyeke dirêj heye. Pêvajoyeke li dor 2 an 3 mehan heye.

Dixtoran li ser Buket Çakici jî gotin ku gelek baş e, tu pirsgir3ek nîn e.

***

Nûçeyê eleqedar:

- BDP ji bo Tatlises daxuyanî weşand

- Kê, çima ÎBO birîndar kir?

- Dixtorên Îbrahîm Tatlises agahiyên nû dan

- Dixtor: Tatlises di dema bûyerê de felc bû

- Yildizhan: Li bakurê Iraqê pirsgirêkên Tatlises hebûn

- Birîna Îbrahîm Tatlises giran e