Diyarname

Kovara Nûbihare gihîşt hejmara xwe ya 155'an. Kovara ku sê mehan carek derdikeve di vê hejmara xwe ya biharê de dîsa cih daye gelek nivîsên cur bi cur.

Di kovarê de li ser helbestan nivîsên balkêş hene lê ya pêşî ku balê dikişîne xebata M. Zana Karak û Huseyn Şemrexî ye. Herduyan jî helbestên Mela Ehmedê Xasî weşandine. M. Zana KArak bi sernavê "Keşfeke nû û helbestên kurmancî yên Mela Ehmedê Xasî" nivîsa xwe pêşkêş kiriye. Karak di nivîsê de sê helbestên Xasî yên kurmancî belavkirine ku yek ji wan cara yekem e tê weşandin.

Huseyn Şemrexî jî kedeke taybet daye û helbesteke Xanî ji osmanî wergerandiye kurmancî. Şemrexî her wiha bi notên xwe jî nivîsa xwe xurt kiriye.

Li aliyê di Ahmet Seyan bi sernavê "Di helbesta 'Wisa Tê bîra min' a Berken Bereh de êşa parçebûna welat" û Seyîd Islam Dû'ago bi sernavê "Xoşewîstiyên Melayê Cizîrî" de bala xwe daye ser helbestê û nivîsa xwe pêşkêş kiriye.

Rohat Alakom ketiye nav dîroka sed sal berê û bi sernavê "Qlarê Swêdê Oscar II dike qêrîn: Binêre Şerîf Paşa li wir e!" xwendevanan dibe nav kêliyeke dîrokî.

Ji bilî nivîsan di warê hevpeyvînê de jî Hanifi Taşkın û M. Enis Dilmaç ligel Adil Yilmayan li ser xebata wan hevpeyvÎnek kiriye. Yilmayan dibêje: "Li nav cimaetan, navê cemaeta me wek 'Med-Zehracî' hate nasîn!"

Kovara ku di bin edîtoriya Suleyman Çevik de derdikeve Berken Bereh, Rojen Barna, Se’dîyê Şîrazî (Wergera ji Farisî: Hayrullah Acar), Nesîmî (Wergera ji Tirkî: Hayrullah Acar), Şemoyê Memê, Abdullah İncekan, Ziver İlhan, Pablo Neruda (Wergera ji Îngilîzî: Talat İnanç), Salih Kevirbirî, Seyid Demîrkiran, Ahmedê Hepo, Elî Beyanî, Nasir Kemaloglu, Wehab Mistefazade, Mustafa Acar, Sidîq Gorîcan, Mem Med, Melayê Cizîrî(Açarnayiş: O. Faruk Çetînkaplan), Abdullah Can, Emîn Xursî, Bamed Serdar, Sîpanî, Mele Mihemedê Kêrsî, Kevok Mizgîn, Evdilxaliqê Îsa, Bargiran Şanaz, Rojhilat Azad  ked dane vê hejmarê.

Ji bo têkiliyê:

Nûbihar Büyükreşitpaşa cad. Yumni İş Mrk. 22/29 Vezneciler-Fatih-İstanbul

Tel: 0212 519 00 09

www.nubihar.com