Diyaname

Kovareke nû li kovarên kurdî yên çapkirî zêde bû: Dadistan. Kovara Dadistan ku bi naveroka xwe li ser hiqûqê ye bi piştgiriya Baroya Şirnexê ji aliyê komek hiqûqnasan ve tê derxistin.

Kovara Dadistan bi piştgiriya Baroya Şirnexê di bin edîtoriya Şêxo Filîk de hatiye amadekirin û derxistin. Kovarê hejmara xwe ya yekemîn nû belav kir û li gor ragihandine ji çar mehan carek dê hejmarek derxin.

Kovarê dosyaya xwe li ser "Destpêka Hiqûqê" amade kiriye.

Di dosyayê de nivisên wekî "Danasîna Şaxên Hiqûqê; Hiqûqa Sizayî" (Sabîr EBDULAHÎZAD), "Bûyer, Kiryar û Kirinên Hiqûqî" (Prz. Cemil ÇELİK), "Hiyarerşiya Qayideyan" (Prz. M. Nurullah BOZTAŞ), "Çend rêbazên Mantiqê Yên Karîger Di Şîrovekirina Rêzikên Hiqûqî da" (Ekrem KOÇBAŞI), "Jêderkên Hiqûqê" (Prz. Sezgîn DÎNÇ), "Maf û Dad" (Prz.  Rênas XENDEKÎ) û "Sepîna qaydeyên hiqûqî ji aliyê cî, dem û mijarê ve-II" (Prz. Huseyin ÎNAL) cih girtine.

Di kovarê de ligel Serokê Baroya Şirnexê Rojhat Dilsiz hevpeyvînek hatiye kirin.

Ji bilî van jî li ser felsefeya hiqûqê, sosyolojiya hiqûqê nivîs hatine belavkirin.

Murad Dildar, Hisên Çatikkaş, Mustafa Zengin, Brahîm Qijikareş, Veysel Vesek, Mehmet Selîm Sert, Welat Ramînazad, Serdar Ezîz Xoşnavî bi nivîsên xwe ked dane kovarê.
***

AŞDAD JÎ HEBÛ
Berî vê, par Baroya Amedê bi navê "Aşdad" kovareke li ser hiqûqê derxistibû, lê hê jî hejmara wê ya duyemîn derneketiye. 

***

Nûçeya li ser kovarên 2021'ê:

- Lîsteya kovarên bi kurdî yên di 2021'ê de derketine