Diyarname

Temaşekirin û dengdana kurtefîlmên mîhrîcanê didome. Heta niha kîjan kurtefîlm herî zêde hatiye temaşekirin? Kîjan zêde deng girtine?

1'emîn Festîvala Fîlmên Kurt û Kurmancî par hatibû dest pê kirin, ji bo festîvalê kurtefîlmên herî zêde yek deqîqeyî dihatin xwestin û festîval bi dawî bû. Ji 47 kurtefîlmên ji bo amadekarên festîvalê hatine şandin 16 kurtefîlm hatin neqandin. Niha ew 16 kurtefîlm têne nîşandayîn. 10'ê mehê dest bi nîşandayîna fîlman hat kirin û heta 10'ê meha pêşiya me dê bêne nîşandayîn.

JI SER MALPERÊ RE TÊNE TEMAŞEKIRIN

Kurtefîlm bi ser malpera “sinemayakurdi.net" re têne nîşandayîn. Kesên temaşe dikin di heman demê de deng didin kurtefîlman û di encamê de sê kurtefîlmên herî zêde deng girtine bêne xelatkirin. Hefteya nîşandayîna kurtefîlman temam bû. Di vê hefteyê de herî zêde kîjan kurtefîlm hatin nîşandayîn? Kîjan kurtefîlm herî zêde deng girt? Va ye encam:

NIHA 'QWX' LI PÊŞ E

Heta niha herî zêde kurtefîlmê "QWX" (Derhêner Nurullah Akcan) hatiye temaşekirin: 2897 caran. Dûre "Êdî Bêyî Tirs" (Derhêner Ridwan Diharo) tê ku 2187 caran hatiye temaşekirin. Dûre "Dem û Dewran" (Derhêner Resûl bafeyî) tê: 1970 car. Di rêza çarem de "Zar" tê ku 1674 car hatiye temaşekirin. Û rêza pêncan bi 1368 carî "Hişê Zarok" tê.

Li aliyê din dengdan jî hatiye kirin û herî zêde "QWX"ê deng girtine: 497 den. Dûre "Hişê Zarok" bi 470 dengan tê. 

"Êdî Bêyî Tirs" bi 452 dengan tê û "Dem û Dewran" jî bi 449 dengan di rêza çaremîn de ye. Û "(ne) Ji Welak" bi 420 dengî ketiye rêza pêncan. Hê sê hefte hene û hem temaşekirin, hem dengdan didome. Bi vê nûçeyê em carek din bala temaşevanan bikişînin ser kurtefîlman û temaşekirina wan.

***

Nûçeya Eleqedar:

- Kurtefîlmên Festîvala Fîlmên Kurt û Kurmancî hatin neqandin