DiyarName.Com

Ji bo 5 rojan dema Festîvala Fîlmên Kurdî ye

Diyarname

14'emîn Festîvala Fîlmên Kurdî ya Hambûrgê îro dest pê dike û heta 26'ê mehê dê li dar be.

Festîval îsal bi diruşmekî "Welatekî Nû" di navbera 22-26'ê vê mehê de li dar dikeve. Di festîvalê de bi navê "Gava Şitil Mezin Dibin" (Derhêner Rêger Azad Kaya), "Bexda Messi" (Derhêner Sahim Omar Kalifa), "Sonne" (derhêner Kurdwîn Ayûb) û "Im Toten Winkel" (derhêner Ayşe Polat) 4 fîlmên metrajdirêj hene. Ji bilî van 9 kurtefîlm û 6 belgefîlm bi giştî dê 19 fîlm wê derkevin pêşberî temaşevanan.

Festîval îro saet 16'an de bi konserê dê dest pê bike. Hunermend Cemîle û Hawara wê stranên xwe pêşkêş bikin. Paşê festîval bi nîşandayîna fîlmê "Dema Şitil Mezin Dibin" yê derhêner Rizgar Azad Kaya bi awayekî fermî des pê bike.

Di festîvalê de hin du panel hene ku her du jî roja 25'ê mehê saet 13.00 û 14.00'an de ne. Ji van pêşî panela Hunermend Luqman Ehmed e ku ew dê li ser bikaranîna xêzan a di sînemayê de; ya din jî ya Kawa Nemir e ku ew jî wê li ser zimanê kurdî di sînemayê de biaxive.

Festîval bi dayîna xelatên Belgefîlmê Herî Serketî, Kurtefîlmê Herî Serketî û Xelata Komîteyê bi dawî bibe.

Ji bo yên eleqedar salonên festîvalê: Mut Theater, Kino 3001, Zeise Kinos