Diyarname
Li paytexta Meksîkayê Meksiko City Pêşbaziya Delala Kaînatê ya 2024'an (2024 Miss Universe) li dar ket. Ji nav 126 delalan ji Danîmarkayê Victoria Kjaer Theilvig wekî Delala Kaînatê hat hilbijartin.
Pêşbaziya Delala Kaînatê îsal 73'emîn car li dar ket. Di pêşbaziya ku pêşkêşvaniya wê stêrkê "Saved by the Bell" Mario Lopez û Delala Kaînatê ya berê Olivia Culpo kir de stranbêjê ji DYA'yê Robin Thicke derket ser dikê. 126 delalên ji welatên cur bi cur beşdarî pêşbaziyê bûn. Delala ji Danîmarkayê Theilvig bi ser ket. Theilvig a 21 salî, reqsvan e, di heman demê de parêzer e jî. Di vê pêşbaziyê yekem car damînarkiyeke bi ser dikeve.
Par ji Nîkaraguayê Sheynnis Palacios bûbû yekemin.
'TÊKOŞÎNÊ BIDOMÎNIN'
Di pêşbaziyê de ji 126 kesan 5 kes derketin fînalê. Di fînalê de juriyê ji wan pirs pirsin.  
Li ser pirsa 'ger kes te nedarizîne tu dixwazî çawa bijî?' Theilvig bi gotina "Ez vê kêliyê dijîm" bersiv da. Li ser 'Tu dixwazî ji bo kesên li pêş ekranan çi bibêjî" jî wisa got, "Hûn ji ku hatibin bila bin, lê têkoşînê bidomînin. Ez îro li vir im ji ber ku dixwazim guherinê dixwazim, dixwazim dîrokek binivîsim û îşev ez vê yekê dikim."

Delala ji Danîmarkayê Victoria Kjaer Theilvig 21 salî ye.