Diyarname
Îro Roja Rojnamegeriya Kurdî ye. Ji bo pîrozkirina vê rojê li Amedê du xebat hebûn.

XEBATA ŞAREDARIYA BAJARÊ MEZIN 
Midûriyeta Şaxa Parastina Zimanê ya ser bi Serokatiya Daîreya Karûbarên Çandî û Civakî, ji bo 22'ê Avrêlê Roja Rojnamegeriya Kurdî, hevdîtineke çapemeniyê li dar xist.
Di bernameya ku li Navenda Çand û Kongreyan a Çand Amedê hat lidarxistin de, Hevşaredarên Bajarê Mezin a Amedê Serra Bucak û Dogan Hatun bi tevlî Hevserokên DEM Partiyê yên Bajêr Gulşen Ozer û Abbas Şahîn, hevserokên şaredariyên navçeyan, endamên meclisê, alîkarên sekreterê giştî, serokên daîreyan û rojnamegerên bajêr beşdar bûn.
Di çalakiyê de bi hev re taştê kirin û li ser rojnamegeriya kurdî axivîn. 
Hevşaredara Amedê Bucak got “Dîroka çapemeniya kurdî gelekî dirêj, bi zehmet û têrtijî ye” û Roja Rojnamegerên Kurd pîroz kir.

XEBATA ŞAREDARIYA PEYASÊ
Hevşaredara Kayapinara Amedê Bêrîvan Gulşen Sîncar jî ligel cîgir û endamên Meclisa Şaredariyê ji bo Roja Rojnamegeriya Kurdî çûn serdana Cemiyeta Rojnamegerên Dîcle Firatê (DFG). 
Hevşaredar û heyeta pêre Roja Rojnamegeriya Kurdî pîroz kir, Hevşaredar nusxeyek çarçovekirî ya jimara yekem a rojnameya Kurdistan diyarî DFG'ê kir.

**

Nûçeyên Eleqedar:

- Li Helebçeyê Rojnamegeriya Kurdî hat nîqaşkirin

- Di calakiya HRRK'ê de rojnamegeriya kurdî hat nîqaşkirin

- HRRK bi çalakiyek Roja Rojnamegeriya Kurdî pîroz dike