Diyarname
9'ê mehê daxuyanî, bûyer û agahiyên li ser taxên Şêx Meqsûd û Eşrefiyeyê. (Her ku tiştê nû bê, ev nûçe tê nûkirin)
Va ne tiştên îro:
MECLISÊN TAXÊN KURDAN: DIXWAZIN EM TESLÎM BIBIN; EM VÊ QEBÛL NAKIN
Meclisên Taxên Şêx Meqsûd û EŞrefiyeyê vê sibê daxuyaniyeke belav kirin û biryara parastina taxênr xwe dan.
Va ne hin gotinên ji vê daxuyaniyê:
- Ji 6'ê mehê e bi çekên giran û bombebaranê bi ser taxên me de tên. Mizgeft, dibistan, nexweşxane, malên sivîlan û saziyên xizmetê hedef girtin.
- Niha banga Hikumeta Demkî ya Şamê ya ji bo gelê me û hêzên me banga teslîmbûnê ye. Lê gelê vê taxê dixwazin li taxên xwe bimînin û bi biryar in ku taxên xwe biparêzin.
- Di rewşa heyî de, cihên tu çete ber bi pêş ve çûne li hemberî sivîlan qetlîamê dikin. Tiştên li hemberî elewî û durziyan kirin heman êrîş û komkujiyê dixwazin li van taxan jî bikin.
- Hêzên ku parastina û çavdêriya peymanên 10'ê Adarê û 1'ê Avrêlê dikirin û niha bêdeng in em wan şermezar dikin. Gelê me yên li taxên Şêx Meqsûd û Eşrefiyê di bin tehdîda komkujiyê de ne.
- Li van taxan bi sed hezaran kes dijî. Di encama bombebaranê de bi dehan birîndarên me hene. Beşek mezin ji birîndaran jin û zarok in. Nexweşxaneya Taxê ya Xalif Fecir ku derfetên wê kêm in, ew jî rastî êrîş û bombebaranê hat. Ev sûcê mirovahiyê ye.
- Di dawiyê de em bêjin Hikumeta Şamê ligel çeteyên xwe banga teslîmbûnê dikin. Em gelên van taxan ewlehiya xwe û taxên xwe teslîmê wan nakin. Emê li taxên xwe bimînin û taxên xwe biparêzin.
*
MIHEMED: BEŞA EREBAN KETIYE DESTÊ EREBAN
Nûnera Meclisa Sûriyeya Demokratîk (MSD) a Amerîkayê Sînem Mihemed ji bo Rûdawê got, "Beşek Taxa Eşrefiye ketiye destê ereban" û wisa lê zêde kir, "Taxa Eşrefiye taxeke mezin e. Beşek jê ereb têde hene. Texmîna min ew beş ketiye destê ereban. Ew beşa Eşrefiyeyê ya ku kurd lê ne hê di destê kurdan de ye."
Mihemed got ku em naxwazin şer hê xurtir bibe, ji ber ku gelek însan têde hene. Mihemed got ku dixwazin li Helebê kurd neminin, em dixwazin peymana 1'ê nîsanê pêk bê.
Her wiha Sînem Mihemed got ku niha dor 350 hezar kes li van taxan dijîn.
*
MESELEYA ŞERAWESTINÊ
Li aliyê din duh bi şev saet 3'yan de biryara şerawestinê hat dayîn, heta seat 9'ê vê sibê. Lê artêşa ereban dixwazin hêzên kurd ji taxê derên.
Nûnerê Taybet yê DYA'yê yê Sûriyeyê Tom Barrack bi ser hesabê xwe re ev mesele ragihand û got em dikin vê şerawestinê dirêj bikin.
Li gor agahiyên tên vê sibê ji bo demek li taxên kurdan Eşrefiye, Şêx Meqsûd û Benî Zêdê ji bo demkî pevçûn hatine rawestandin. Niha dê çi bibe, ne diyar e.
*
**
Hin Nûçeyên Eleqedar:
- Sakik: Rojava xeta me ya sor e
- Ji bo taxên Şêxmeqsûd û Eşrefiyeyê li gelek bajaran çalakî, gotinên hatin kirin, daxuyaniyên eleqedar (agahiyên rojek)
- Wezîrê Îsraîlê Saar êrîşên li Helebê şermezar kir û got: Dinya deyndarê kurdan e
- Hunermendan ji bo Rojava bang kir
- Neteweyên Yekbûyî: Peymana 10'ê Adarê bi cih bînin
- Barzanî û Talabanî li ser Taxên Kurdan çi gotin?
- DEM Partî: Divê hikûmeta Şamê êrîşên li dijî kurd û suryaniyan bi dawî bike
- Îlham Ehmed: Hikûmeta Demkî li dijî kurdan şer îlan kiriye
.jpg)
.jpg)
.jpg)
