DiyarName.Com

10 kurtefîlmên pêşbaziyê, 3 jê bi kurdî

___Cemil Oguz___

Di beşa Pêşbaziya Kurtefîlman a Festîvala Fîlman a Stenbolê de 10 kurtefîlm hene. Ji van sisê bi kurdî ne jî. Yên serketî dê bên xelatkirin.

Îsal Festîvala Fîlman a Stenbolê 45'emin car li dar dikeve. Festîval wê îsal roja 9'ê mehê deriyên xwe veke û 19'ê mehê bi dawî bibe. Di festîvalê de gelek beşên pêşbaziyê hene ku yek ji wan jî Pêşbaziya Kurtefîlman e. Ji 10 kurtefîlmên vê beşê sisê jê zimanê wan bi kurdî ye jî: "Îshaq", "Rengê Kevir" û "Aşk ve Digerlerî"

Di festîvalê de kurtefîlm kirine du beş û di du seansan de têne nîşandayîn. Di "Kurtefîlm Seansa 1" de her du kurtefîlmê ku kurdî jî têde heye têne nîşandayîn. Ew roja 15'ê mehê (Sinemaya Beyoglu, saet 13.30) û 17'ê mehê (Sinemaya Kadikoy, saet 11.00) wê bêne nîşandayîn. Kurtefîlmê "Aşk ve Digerleri" di beşa "Kurtefîlm Seansa 2"yan de tê nîşandayîn.

"RENGÊ KEVIR"
"Rengê Kevir" kurtefîlmê derhêner Tugba Yaşar e ku 8 deqîqe ye. Di kurtefîlm de bi ser albuma malbatek re temaşevanan heta salên 90'î dema şewitandina gundan dibe û careke din bîrê nû dike.

"ÎSHAQ"
Kurtefîlmê "Îshaq" ji aliyê derhêner Tuna Kaptan ve hatiye kişandin ku bi îngilîz, almanî û kurdî ye
Keça pîrek alman ji aliyê DAIŞ'ê ve tê kuştin; ew jî ji bo naskirina neviyê xwe berê xwe dide Başûr. Astengiyên çandî, bandora pevçûnên ligel DAIŞ'ê û ceribandinên travmatîk hene, lê ligel vê yekê jî ew dixwaze têkiliyê saz bike. Lê dema kêliya vegerê nêz dibe divê biryarek bide.

"AŞK VE DÎGERLERÎ"
Kurtefîlmê "Aşk ve Digerlir" (Evîn û Yên Din) Ji aliyê Berna Sitera Degirmen ve hatiye kişandin. Kurtefîlm berê xwe dide Zeynep û Can ku ji hev hez dikin. Rojek dema bisqilêt diajon polîs wan didin rawestandin.
Ev di beşa "Kurdefîlm II" de roja 15'ê mehê (Sinemaya Beyoglu, saet 16.00) û 17'ê mehê (sinemaya Kadikoy, saet 13.30) de tê nîşandayîn.

Va ne hemû kurtefiîlmên di Pêşbaziya Kurtefîlman de:
●   Aşk ve Digerleri / Love and the Others / Berna Sitera Degirmen
●   İshak / Ishaq / Tuna Kaptan
●   Yerçekimi / Gravity / Dalya Keleş
●   Kirpik / Eyelash / Doga Kilcioglu Esen
●   Aramizda Kalan Her Şey / Everything Between Us / Ilgın G. Korugan
●   Mavi, Devrim ve VHS Kasetler / Blue, Revolution and VHS Tapes / Serdar Kokçeoglu
●   Gece Mesaisi / The Night Shift / Salih Ortaçay
●   Alis / Beril Tan
●   Otel / The Hotel / Halil Tanişan
●   Kraliçe / The Queen / Deniz Uymaz
● Rengê Kevir / Color of the Stone / Tugba Yaşar

*******************************************************

ÇAYEK BO DIYARNAMEYÊ:

LÎNKA
Kreosus.com'ê bitikînin

LÎNKA
Patreon'ê bitikînin