Diyarname
Amedsporê peymana ligel teknîk dîrektorê xwe Mesut Bakkal betal kir. Hefteyek maye lîg bi dawî bibe, ev biryar hat girtin. Klûbê peyama fermî belav kir û ji bo keda teknîk dîrektor û heyeta wî sipasî kir.
Amedsporê roja 15'ê reşemiya 2026'an peymana ligel teknîk dîrektor Sînan Kuloglu betal kiribû û piştî vê bi rojek tîm teslîmê teknîk dîrektor Mesut Bakkal kiribû. Bakkal 17'ê reşemî gotibû, "Ez hatim çîroka nîvco maye temam bikim". Lê îro peymana wî jî betal kirin.
'EZ DIBÊJIM PÊŞ DE; EW PAŞ DE TÊN'
Duh Amedspor li mala xwe li hemberî Bodrumsporê nikaribû bi ser bikeve, maç 11 bi dawî bûbû ku Bandirmayê deqeya dawî de gol avêtibû.
Piştî maçê Bakkal ji bo çapemenî gotibû, "Wisa, an bi vî awayî, me golek avêtibû. Ji bo gola deqeya dawî me xwar ez şaşwaz im. Li hemberî tîma mabû 10 kes me baş nelîst. Ez dibêjim pêş de herin, yên me bi paş ve dilîzin, ez xemgîn im. Ez sipasiya temaşevanan dikim, ji hemûyan lêborînê dixwazim."
Bakkal di hefteya 26'an de tîm bi rê ve bir. Di 11 mazan de 22 pûan bi dest xist. Di van de 6 caran tîm bi ser ket, 4 caran wekhev ma û carek têk çû. Rewşa herî xirab 3 hefte berê li Stenbolê çêbû: Amedspor ligel Erokê dilîst, bi ser biketa wê çaxê hatina xwe ya ji bo Lîga Super ragihanda lê maç wekhev ma. Dûre li mala xwe pûan winda kir. Niha di hefteya 37'an de bi 73 pûanan di rêza sêyem de ye.
BÛ 3 TEKNÎK DÎREKTOR
Tîma Amedsporê di serdema 2025-26'an de bi teknîk dîrektor Mehmet Altiparmak dest bi lîgê kir.
Di meha kewçêrê de kursî teslîmê teknîk dîrektor Sînan Kaloglu kirin.
Û roja 17'ê reşemiya 2026'an vê carê Mesut Bakkal anîn.
NIHA WÊ ÇAWA BE?
Klûba Amedsporê ragihand ku hefteya pêşiya me dê Sertaç Kuçukbayrak û cîgirên wî di maça ligel Îdirê de tîmê bi rê ve bibin.
Nûçeya Eleqedar:
.jpg)
