Diyarname
Waliyê Hesekê Nûreddîn Ehmed û mamosteyên zimanê kurdî li navenda walîtiye li hev civiyan û li ser ziman nîqaş kirin.

Walîtiya Hesekê li ser hesabê xwe  daxiyaniya civîna wan ragihand û got ku mamosteyên zimanê kurdî bi parêzgarê Hesekê re mafên zimanî û perwerdehiyê nîqaş kirin.

Di civînê de girîngiya xurtkirina mafên zimanî û perwerdehiyê û piştgirîkirina cihê zimanê kurdî di pêvajoya perwerdehiyê de hat nîqaşkirin, bi awayekî ku bersiva pêdiviyên gelê parêzgehê bide. 

Di daxuyaniyê de wisa hat gotin: "Di dema civînê de, birêz parêzgar guhdarî komek daxwaz û pêşniyarên mamosteyan û xwendekaran kir. Ev daxwaz û pêşniyar di derbarê mijarên perwerdehî û zimanî de bûn. Wî bal kişand ser girîngiya şopandina van daxwazan û hewldana çareserkirina wan di çarçoveya rêbazên îdarî û qanûnî yên pejirandî de."

Her wiha, di civînê de li ser girîngiya xurtkirina têkiliyê di navbera aliyên têkildar, kadroyên perwerdehiyê û xwendekaran de hat teqez kirin, da ku pêvajoya perwerdehiyê bêhtir pêş bixe û bersiva pêdiviyên heyî bide.