Diyarname

Gelek helbestên helbestvanê navdar Tîrêj li bakur jî têne zanîn lê wekî bi hev re di pirtûkekê de nehat niha nehatibûn pêşkêşkirin. Niha Weşanên Peywendê pirtûkên Tîrêj ên bi navê "Xelat", "Zozan" û "Cûdî" di pirtûka “Dîwan” de bi hev re çap kirin û pêşkêşî hezkiriyên wî kirin.

Peywendê gotiye ku ewê dest biavêjin berhemên ku derfetê çapkirinê nedîtine û ewê van ji nû ve çap bikin û bigihînin ber destê hezkiriyên wêjeya kurdî. Di vê çarçoveyê de bi berhemên seydayê Tîrêj gav avêtine û her sê berhemen wî di “Dîwan”ê de çap kirine.

Helbestên Seydayê Tîrêj rengvedana jiyana kurdan a sedsala 20’an e. Her wiha ne tenê kurd, dîroka kurdan a nêz, wekî şerê azadiyê li başûrê Kurdistanê, gelek bûyerên li Rojhilata Navîn û dinyayê jî ji bo helbestên wî bûne mijar. Helbesta Tîrêj şahidê dîroka gelê kurd a sedsala borî ye. Ji şerê serxwebûna Cezayîrê bigire heta berxwedana gelê Wîetnamê, ji têkoşîna Filistînê bigire heta şoreşên ku bi pêşengiya Che Guevera li Amerîkaya Latîn rû didan, tê de dixuyin. 

Bi kurtayî, helbestên Seyda digel aliyên xwe yên edebî, di heman demê de eyneya jiyan û dîroka kurdan a sedsala borî ye. Seydayê Tîrêj, bi dîwanên xwe, dê xwendevanan derxe rêvitiya dîrok û edebiyatê ya li seranserê sedsalekê. 

Peywendê ragihandiye ku ew dê piştî “Dîwan”a Tîrêj, berhemên wî yên din “MewLîda Pêxember” û “Serpêhatiyên Kurdan I-II” jî çap bikin

Vaye parçeyeke ji helbesta wî:

Wêneya min ez ê bar kim ji dinyê

Li wara tê bimînî reng û nîşan

Xwezî min zanîba jaro di pey min

Gelo wê te çi hal be ey perîşan

Bi dilsozî milet wê li te binêre

Weyaxod tê bimînî bê cih û şan

Ji bo têkilî û xwestinê: peywend-@hotmail.com

Dîwan / Tîrêj / Helbest / 540 Rûpel