Zekî Ozmen

Romana nû ya nivîskar Alî Husein Kerim ya bi navê „Şopa rojên buhurî” derket.
Romana ku ji Weşanên Rewşen derket, ji 246 rûpelan pêk tê.

Qehremanê romana nû ya nivîskar Kerim, kalekî bi navê Cemşîd yê 90 salî ye. Cemşîd kesayetekî ku medrese xwendî ye, li bilûr û ûdê dixe û bi bêhejmar çîrokan dizane.

Cemşîd, kesayetekî ku herdem dîwana wî digerê ye. Bi taybetî ciwanên gund her dem di hewla guhdarkirina raman û serpêhatiyên Cemşîd de ne. Di nava romanê de hewla danasîna curayên zewacê di nava kurdan de hatiye dayîn.

Wekî mînak, zewacên li gor kevneşopiyan, zewaca berdêlê, bedela di ber xwînê de, revandina keçan, zewaca protokolî (wekî mînak ya mîran), soza zarok hê di dergûşê de, qelend...

Di nava kurdan de kevnoşopiyên dema ku zilam dimire û jina wî li birayê wî tê mahr kirin jî cihekî taybet di romanê de digire. Ji hêla din ve çanda zewacê ya kurdên li Ewropayê dijîn jî para xwe ji romana “Şopa Rojên Buhurî” girtiye.

Di gel ku lehengê romanê kesekî bi şên jiyana xwe derbas dike jî, ew herdem di nava lêpirsîna jiyana xwe ya derbasbûyî de ye.

Redakteya pirtûkê Mîrhem Yigit kiriye û wêneyê bergê jî Hasan Huseyin Deveci çêkiri ye.

“Bazos” jî derket

Ji hêla din ve Alî Huseîn Kerim vê mehê xêzaromaneke bi navê “Bazos” weşand. Xêzaroman bi giştî di derbarê Sîpahsalarê Medan Bazos de ye. Li gor agahdariyên ku me ji nivîskar Kerim standin, xezêromana bi navê Bazos dê her meh bi awayekî perîyodîkî were weşandin. Hêjayî gotinê ye ku “Bozos” yekem xêzeromana kurdî ye ku tê weşandin. Xêzkêşê “Bazos” F. Gabriel e û
nivîskar Kerîm her wiha em agahdarkirin ku dê hejmara nû ya Bazosê rengîn be.

Kesên bixwazin dikarin romana nû ya Kerim û xêzaromanê ji Enstîtuta Kurdî li Almanyayê bixwazin.

Pirtûkên Alî Huseîn Kerîm Yên Hatine Weşandin
Alî Husein Kerim heta niha bi zimanê tirkî dinivîsand û 4 roman weşandin. “Şopa Rojên Buhurî” yekem romana Kerîm a bi kurdî ye.
Romanên Alî Huseîn Kerîm yên heta niha hatin weşandin ev in:
Delila Ozgurlugun Gelini (2007, Ozel Matbaa)
Beyrut Guzeli (2007, Delil Serisi-1, Ozel Matbaa)
Meşru Mudafaa (2008, Delil Serisi-2, Weşanên Rewşen)
Oyun Bitti (2008, Delil Serisi-3, Weşanên Rewşen)

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.