Selwa Gulî
Vê spêdê dindikêt baranê hêdî hêdî bi mêlodiya xwe li pencera min dixist. Min zanî evro jî wek rojên dî dê mînim di bin xezeba vî esmanê Europa û taybet yê Swêde, mirov ji xwe û ji vê dinê bêzar dibit, ez li ber pencera xwe. Rawestam, li gel piyalek ça germ û çavê min li derve man, dengek ji derê mala min hat ez bi lez gihîştim ber derî, min dît wek her car poste hat, min destê xwe da postê û ez vegeram ça xwe berdewam bikim, li nav postê! min kaxezek dit. Ku ez herim paketa xwe wergirim ji wê posta nêzîkî mala xwe, min wek her car dest da klîlêt xwe û qesta parkê kir. Li tombêla xwe siwar bûm û min destê xwe li kasêt xist ku li sitiranêt pîremêra guhdari bikim vê spêda sar. Bi her hal gehiştim min jî dura xwe girt u paşî paket wergirt.Min dît ji İstanbul hatiye, min bi keyf xoşî ew pakêt vekir hêş ez negeham mal. Min pertûka xwe dît a ku projekta Şahmaran himbêz kirî ew pirojekt bo ya ku cara yekem bê gotin û pesindan heqê jinê bidinê, wek diyar her kes niha li ser mafê jinê diaxive lê kes wek kiryar nake. Û mafê wê her tenê bi gotinê tê gotin, ne bi kiryar, Avesta û projekta wan a Şahmaran ne bi gotinê, bêgotin û bêpesindan piştgiriya jinê kirin û xwedî li jin û berhemê wê derketin.
Şûna tiblêt xwe li diroka mafê jinê çap kir… min sê pirtûkêt dî li Europa û li Kurdistanê çap kirine lê mixabin çi ji wan çapan dilê min pê xoş ne bû… Pirtûka min ya ku di rêza Şahmaran de, hatî çap kirî ez pir dil xoş kirim di vê bedengiya vê roja sar û tarî de, pirtûk bi şêweyek modern û dîzaynek ciwan hatibû çapkirin û ket deste min, ez li nav pirtûka geram, pertukêt Nergizêt Kurdistanê ku ji her çar parça bi xwe ve digirit min li nav da dîtin. (Yêt çend keçêt kurd) Her laperek min di tewand (quliband) dîrokek bû her yek min ditewan jiyana kurdewarî bû. Jan û birînêt welat bûn, evîneka bê dawî bû, ez îro wek Dotmîrek ya keyf xoşim. Min dest da hemû pirtûka û min qesta hevala xwe Axin Welat kir, min çend ji wan hemo pirtûkan hez kir, ew jî her wek min a kiyf xoş bû. Em li ser her aliyek sekinîn ew bawerî bo me çêbû ku Şahmaran ew tişta ciwan li wêjeya kurdî zêde kir… Ew pirtûkêt ku diyarî ji bo me hatin (ji wan Nêrgizêt Şahmaran) hinek bo min û hindek bo hevala min bûn. Yêt zêde jî me dan bo kitabxana li Götnborg, her kesê bixwaze dikare li van pertukxana bixwîne, li Stad pirtûkxane, Frölonda pirtûkxane, Hjälbo pertukxane, Angered pirtûkxane ev pirtûkxanêt serekî li bajarê Götenborg.Ez û hevalêt xwe bi rastî keyf xoşiya xwe bo Avesta û karmendêt wê diyar dikin. Ku peştgîriya wan bu jinêt kurd yet nivîskar ji her çar parçêt Kurdistanê yêt niha di jiyanê de û yêt mirî jî..Her hebin
û her serkeftî bin...01-04-2008
.jpg)
.jpg)
.jpg)
.jpg)
